რუსეთში წინასწარი პატიმრობა შეუფარდეს 27 ადამიანს ბოშებთან ფიზიკური დაპირისპირების შემდეგ
რუსეთში სასამართლომ წინასწარი პატიმრობა შეუფარდა 27 ადამიანს ბოშების ეთნიკური ჯგუფის წევრებსა და სხვა მოქალაქეებს, უმეტესწილად, რუსებს შორის სისხლისმღვრელი ფიზიკური დაპირისპირების შემდეგ.
ინციდენტი 13 ივნისს მოხდა მოსკოვის სამხრეთ-აღმოსავლეთით მდებარე პენზის ოლქში, სოფელ ჩემოდანოვკაში.
პენზის სასამართლოს გადაწყვეტილებით, ეჭვმიტანილები წინასწარ პატიმრობაში დაჰყოფენ ორ თვეს, სანამ გამოძიება ჩატარდება.
ნათელი არ არის, ვინ დაიწყო ჩხუბი, რომლის დროსაც ერთი ადამიანი დაიღუპა და ოთხი დაშავდა.
ჩემოდანოვკის ქალაქის საბჭოს თავმჯდომარე სერგეი ფადეიევმა 17 ივნისს განაცხადა, რომ ჩხუბის მერე ამ სოფლისა და მეზობელ დასახლება ლოპატკის მოსახლე ბოშებმა „ნებაყოფლობით“ დატოვეს თავიანთი სახლები.
ოლქის მმართველის ადმინისტრაციამ იმავე დღეს გაავრცელა ინფორმაცია, რომ დაცლილია ბოშების 130-მდე სახლი.
კრემლის პრესმდივნის, დმიტრი პესკოვის განცხადებით, პრეზიდენტი ვლადიმირ პუტინი ინფორმირებულია ჩემოდანოვკაში შექმნილი ვითარების შესახებ და ვითარება კონტროლდება.