რუსეთის პარლამენტმა მხარი დაუჭირა აშშ-თან ანტისარაკეტო ხელშეკრულების გაუქმებას
რუსეთის სახელმწიფო სათათბირომ მხარი დაუჭირა კანონს საშუალო და მოკლე რადიუსის რაკეტების ლიკვიდაციაზე აშშ-თან დადებული ხელშეკრულების (INF) მოქმედების შეჩერების შესახებ.
ეს ხელშეკრულება ჯერ კიდევ საბჭოთა პერიოდში, 1987 წელს გააფორმეს ორი ქვეყნის ლიდერებმა, მიხაილ გორბჩოვმა და რონალდ რეიგანმა. კანონპროექტი ხელშეკრულების მოქმედების შეჩერების შესახებ მაისში წარმოადგინა რუსეთის პრეზიდენტმა ვლადიმირ პუტინმა.
წელს თებერვალში აშშ-მა დაიწყო პროცედურა ხელშეკრულებიდან გასვლის შესახებ. ვაშინგტონის აზრით, რუსეთმა შეთანხმება დაარღვია თავის შეიარაღებაში 9М729 „ნოვატორის“ ტიპის რაკეტების ჩართვით.
ვაშინგტონი აცხადებს, რომ ჩაატარებს აქამდე აკრძალული რაკეტების გამოცდას.
INF-ის შედეგად, 1988 წლიდან ევროპის კონტინენტზე აღარ განთავსებულა 500-დან 5500-მდე კილომეტრი რადიუსის ბალისტიკური და ფრთოსანი რაკეტები.