Amnesty International-ი საქართველოს ხელისუფლებას მოუწოდებს მხარი დაუჭიროს ღირსების მარშს
საერთაშორისო უფლებადამცველი ორგანიზაცია Amnesty International-ი თბილისი პრადის ფარგლებში დაგეგმილი ღონისძიებების და კერძოდ ღირსების მარშთან დაკავშირებით განცხადებას ავრცელებს და მოუწოდებს საქართველოს ხელისუფლებას იხმაროს ყველა ღონე რათა ლგბტ თემის წარმომადგენლებს საჯარო სივრცეში თავისუფალი შეკრების შესაძლებლობა არ შეეზღუდოთ.
"18-22 ივნისს საქართველოში და სამხრეთ კავკასიაში პირველად, გაიმართება პირველი ლგბტ პრაიდი. საქართველოს ხელისუფლებამ პრაიდის მონაწილეთა უსაფრთხოების უზრუნველსაყოფად, უნდა იხმაროს ყველა აუცილებელი ზომა. ძალადობის უპრეცედენტო მუქარის წინააღმდეგ, მათ შორის ჰომოფობიური ჯგუფების მხრიდან.
ჰომოფობიური დაჯგუფება, რომელსაც სათავეში უდგას ბიზნესმენი, რომელსაც მჭიდრო კავშირები აქვს საქართველოს მართლმადიდებელ ეკლესიასთან ძალადობრივ კონტრდემონსტრაციას გეგმას თბილისი პრაიდის მსვლელობის შესაჩერებლად.
16 ივნისს დაჯგუფების ლიდერმა განაცხადა რომ ქმნის სახალხო ლეგიონს, რომელიც შეიარღებული იქნება ხის ხელკეტებით რათა თავს დაესხას მშვიდობიანი მსვლელობის მონაწილეებს. მისი გამოსვლა შეიცავდა მუქარას საერთაშორისო დამკვირვებლების და დიპლომატების მიმართ, ვინც მარშზე დასწრებას გეგმავს.
16 ივნისს ქართული მედია იუწყებოდა რომ სამოქალაქო გვარდიაში (სახალხო ლეგიონში) რამდენიმე ათეული ადამიანი ჩაეწერა.
17 ივნისს საქართველოს შინაგან საქმეთა სამინისტრომ გამოძიება დაიწყო „უკანონო შეირაღებული ფორმირების“ შექმნის შესახებ. ადგილობრივი მედია იუწყება, რომ გამოძიების მიუხედავად ჰომოფობიის მხარდამჭერები ორგანიზაციაში გაწევრიანებას განაგრძობენ.
თბილისი პრაიდის ორგანიზატორებმა „Amnesty International“-ს აცნობეს, რომ მათ სიკვდილით ემუქრებიან. ასევე 17 ივნისს შსს-ს წარმომადგენლები პრაიდის ორგანიზატორებს შეხვდნენ და განუცხადეს რომ, საჯარო სივრცეში მსვლელობის უსაფრთხოების დაცვას ვერ შეძლებენ.
ადამიანის უფლებათა საერთაშორისო სტანდარტი ითვალისწინებს საჯარო სივრცეში მშვიდობიანი შეკრების გამართვის უფლებას მიუხედევად სქესისა და გენდერული იდენტობისა.
საქართველოს ოფიციალური პირები ვალდებული არიან დაიცვან თბილისი პრაიდის მსვლელობის მონაწილეები თავდასხმისგან.
Amnesty International-ი საქართველოს ხელისუფლებას მოუწოდებს საჯაროდ გამოხატოს მხარდაჭერა ღირსების მარშის მიმართ. ეფექტურად გამოიძიოს მუქარა და ზემოთ აღწერილი თავდასხმის გეგმები. დაუყოვნებლივ მიიღოს უტყუარი და ეფექტური ზომები ძალადობის აქტების აღსაკვეთათ",- ნათქვამია Amnesty International-ის მიერ გავრცელებულ განცხადებაში.
Amnesty International-ის მონიტორები თბილისი პრაიდის მიმდინარეობას დააკვირდებიან.