აშშ 250 მლნ დოლარით გაზრდის სამხედრო დახმარებას უკრაინისათვის
აშშ-ის თავდაცვის სამინისტროს განცხადებით, ის 250 მლნ დოლარს გამოჰყოფს უკრაინის სამხედრო პოტენციალის გასაძლიერებლად დონბასში სეპარატისტებთან ბრძოლის ფონზე.
დამატებითი თანხა მოხმარდება უკრაინის სამხედრო-საზღვაო და სახმელეთო ძალების წვრთნასა და იარაღით მათ მომარაგებას, ნათქვამია პენტაგონის 18 ივნისის განცხადებაში.
ახალი ტრანშის შედეგად 1,5 მილიარდ დოლარამდე გაიზრდება სამხედრო დახმარება, რომელიც უკრაინას 2014 წლიდან აქვს მიღებული შეერთებული შტატებისაგან.