გედევან ფოფხაძე ნიკა მელიასთვის იმუნიტეტის შეზღუდვას მხარს არ უჭერს
პარლამენტის დეპუტატმა, „ქართული ოცნების“ ყოფილმა წევრმა, გედევან ფოფხაძემ განაცხადა, რომ ხმას მისცემდა ინიციატივას, რომელიც გააუქმებდა პარლამენტის წევრის იმუნიტეტს და ყველას თანაბარ მდგომარეობაში ჩააყენებდა.
„ეს გადაწყვეტილება არ იქნებოდა დისკრიმანციული. მე არ მივცემ ხმას ნიკა მელიასთვის იმუნიტეტის შეზღუდვას, მაგრამ თუ იქნება ინიციატივა, რომელიც მეც ჩამომართმევს იმუნიტეტს და ნებისმიერ თქვენთაგანს, თანახმა ვარ ასეთ გადაწყვეტილებაზე“ - განაცხადა პარლამენტის სხდომაზე გამოსვლისას გედევან ფოფხაძემ.
მისივე თქმით, არავის უნდა რომ ნებისმიერ დანაშაულში ეჭვმიტანილმა ადამიანმა პასუხი არ აგოს, მაგრამ ამ კონკრეტულ შემთხვევაში არ აქვს უფლება მელიას იმუნიტეტი შეუჩეროს და გადასცეს ჩინჩალაძე-მურუსიძის სასამართლოს.
გედევან ფოფხაძემ დეპუტატებს მოუწოდა გადაწყვეტილება მაღალი სტანდარტით მიიღონ და სხდომათა დარბაზი დატოვა.