აქციის წამყვანი: ყველა დაკავებული დემონსტრანტი გათავისუფლებულია
პარლამენტის წინ მიმდინარე აქციის წამყვანის, შოთა დიღმელაშვილის თქმით, ყველა დემონსტრანტი გათავისუფლებულია, რომლებიც 20-21 ივნისს რუსთაველის გამზირსა და მის მიმდებარე ქუჩებზე დააკავეს.
ამის შესახებ მან რუსთაველის გამზირზე, აქციის მსვლელობისას გამოაცხადა. მისი თქმით, ინფორმაცია ამის შესახებ მას იუსტიციის საბჭოს არამოსამართლე წევრმა ანა დოლიძემ მიაწოდა.
აქციის მონაწილეების სამი მოთხოვნიდან ერთ-ერთი მოთხოვნა სწორედ დაკავებული დემონსტრანტების გათავისუფლება იყო, რომელთა ნაწილს სხვადასხვა სახის ადმინისტრაციული სასჯელი, მათ შორის პატიმრობა ჰქონდა შეფარდებული.
ჯამში, 20-21 ივნისის ღამეს 300-ზე მეტი დემონსტრანტი დააკავეს სამართალდამცავებმა.
ამჯერად, აქციის მონაწილეების ერთადერთ მოთხოვნად შს მინისტრის, გიორგი გახარიას გადადგომა რჩება.