მედია: ლატვიის მართლმადიდებელი ეკლესია ავტოკეფალიას მოითხოვს
ლატვიის მართლმადიდებელმა ეკლესიამ მოსკოვის და სრულიად რუსეთის პატრიარქს კირილეს მიმართა და ავტოკეფალიის სტატუს მინიჭება სთხოვა. ამის შესახებ „ეხო კავკაზა“ იუწყება.
შესაბამისი გადაწყვეტილება ლატვიის მართლმადიდებელმა ეკლესიამ 20 ოქტომბერს გამართულ სხდომაზე მიიღო, რომელიც რიგაში, ყველა წმინდანის ტაძარში გაიმართა.
ამ გადაწყვეტილებას სხდომის 161 მონაწილიდან 160-მა მხარი დაუჭირა.
გამოცემა Delfi-ს ცნობით, რუსეთის პატრიარქისადმი მიმართვა იმისთვის არის საჭირო, რომ რუსული ეკლესიიდან ლატვიური ეკლესიის გამოყოფა კანონიკური იყოს და ეს ეკლესიის განხეთქილებად არ ჩაითვალოს.
ამ ინფორმაციის კომენტირებისას რუსეთის მართლმადიდებელ ეკლესიაში განაცხადეს, რომ ლატვიის მართლმადიდებელი ეკლესიიდან ჯერჯერობით ოფიციალური მიმართვა არ მიუღიათ.
ცნობისთვის, 8 სექტემბერს ლატვიის პარლამენტმა მხარი დაუჭირა პრეზიდენტის საკანონმდებლო ინიციატივას, რომლის მიხედვით ლატვიის მართლმადიდებელი ეკლესია მოსკოვის საპატრიარქოსგან სრულად დამოუკიდებელი გახდა. ამის შემდეგ გავრცელდა ლატვიის მართლმადიდებელი ეკლესიის განცხადება, რომლის მიხედვით სახელმწიფომ მისი სტატუსი განსაზღვრა, ის არის ავტოკეფალია და იურიდიულად არცერთ საეკლესიო ცენტრზე აღარ არის დამოკიდებული, რომელიც ლატვიის ფარგლებს გარეთ მდებარეობს.