ვოლოდიმირ ზელენსკი ანდჟეი დუდას შეხვდა
უკრაინის პრეზიდენტი ვოლოდიმირ ზელენსკი პოლონეთის პრეზიდენტ ანდჟეი დუდას შეხვდა. შეხვედრა პოლონეთის ქალაქ ჟეშუვში გაიმართა, როდესაც უკრაინის პრეზიდენტი აშშ-დან ბრუნდებოდა.
“სახლისკენ გზაზე შევხვდი უკრაინის მეგობარს – პოლონეთის პრეზიდენტს ანდჟეი დუდას. შევაჯამეთ წლის შედეგები, რომელმაც გლობალური გამოწვევები მოიტანა სრულმასშტაბიანი ომის გამო. განვიხილეთ სამომავლო სტრატეგიული გეგმები, ორმხრივი ურთიერთობები და 2023 წელს საერთაშორისო დონეზე ურთიერთქმედება”, – წერს ზელენსკი “ფეისბუქის” პირად გვერდზე.
გავრცელებულ ვიდეომიმართვაში ზელენსკიმ ასევე აღნიშნა, რომ მადლობა გადაუხადა დუდას, ქალაქ ჟეშუვსა და ყველა პოლონელს ყველაფრისთვის, რასაც უკრაინისთვის და მისი დაცვისთვის აკეთებენ.
“მოვუყევი მას იმაზე, რაც შეერთებულ შტატებში გავიგე, მომავალ წელს ჩვენს სტრატეგიულ ხედვაზე… ვემზადებით, ვამაგრებთ ჩვენს საერთო ძალებს”, – დასძინა ზელენსკიმ.