ბილ ბრაუდერი: თუ სააკაშვილი მოკვდება პატიმრობაში არაადეკვატური წამების ქვეშ, საქართველო უნდა დაემშვიდობოს ევროკავშირის წევრობის ამბიციებს
„თუ სააკაშვილი მოკვდება პატიმრობაში არაადეკვატური წამების ქვეშ, საქართველო უნდა დაემშვიდობოს ევროკავშირის წევრობის ამბიციებს“, – ამის შესახებ მაგნიტსკის სიის ავტორმა ბილ ბრაუდერმა „ტვ პირველის“ ეთერში განაცხადა.
მისი თქმით, საქართველოს საპატიმროში სააკაშვილი კვდება და მას აწამებენ.
ამასთან, მაგნიტსკის სიის ავტორი ამბობს, რომ სიაზე მუშაობა მალე დასრულდება.
„მიხეილ სააკაშვილის ბიძამ და მისმა ადვოკატმა მომაწოდეს ინფორმაციას სააკაშვილის ფიზიკურ მდგომარეობასთან დაკავშირებით. მათ მიანიშნეს, რომ ყოფილი პრეზიდენტის მდგომარეობა უარესდება, მას აწუხებ კრუნჩხვები, რომელიც უფრო და უფრო ხშირი ხდება.
მან დაკარგა დიდი რაოდენობით წონა, ამიტომ ყველა ობიექტური საზომით საქართველოს ხელისუფლების საპატიმროში ის კვდება. მკაფიოა, ეს მთავრობის პასუხისმგებლობაა, რომელიც ჩართულია სააკაშვილის წამებასა და სიკვდილში. თუ ის ციხეში მოკვდება ამაზე პასუხისმგებელი საქართველოს მთავრობა იქნება, შედეგი კი ამ ინდივიდებისთვის დაუჯერებელი და წარმოუდგენელი იქნება.
მათ ვურჩევ, ახლავე გაათავისუფლონ, მისცენ შეერთებულ შტატებში ან ევროპაში წასვლის უფლება, რომ მიიღოს სამედიცინო მკურნალობა და შეაჩერონ ეს დაუჯერებელი და სასტიკი ვითარება, რომელიც გრძელდება.
თუ სააკაშვილი მოკვდება პატიმრობაში არაადეკვატური წამების ქვეშ, საქართველო უნდა დაემშვიდობოს ევროკავშირის წევრობის ამბიციებს.
ჩვენ ვიცით რა სტანდარტებში უნდა ჯდებოდეს მტკიცებულებები, ამიტომ სააკაშვილის თანაგუნდელებთან ვმუშაობთ, რომ დავრწმუნდეთ, მტკიცებულებები რომელსაც ისინი გვაწვდიან მოექცევა იმ სტანდარტებში, რომელიც შემდეგ მათ სანქციებამდე მიგვიყვანს. მათზე დამოკიდებული რამდენად სწრაფად მოგვაწოდებენ დოკუმენტაციას, რის შემდეგადაც მტკიცებულებებს – აშშ-ს, დიდ ბრიტანეთს, კანადის მთავრობას და ევროკავშირს წარვუდგენთ.
როგორც კი სია შედგება თანდართული მტკიცებულებებით, მათ სხვადასხვა ქვეყნის მთავრობებს გადავცემთ, მივცემთ მტკიცებულებებს, რომელიც მათ სჭირდებათ, რომ ეს ადამიანები მაგნიტსკის სიაში დაამატონ. რასაც მე ვხედავ ეს არის საქართველოს ყოფილი პრეზიდენტის ნელი სიკვდილით მოკვლა“, – აცხადებს ბილ ბრაუდერი.
