მატეუშ მორავეცკი: …ეს იქნება ძალიან მძიმე შეტევა

უკრაინაზე ახალი შეტევის დროს რუსულ ჯარებს შეუძლიათ ორი ან სამი სხვადასხვა მიმართულებიდან წასვლა. რუსეთის დიქტატორი ვლადიმერ პუტინი, სავარაუდოდ, კიდევ ერთხელ გეგმავს კიევის ალყაში მოქცევას, – ამის შესახებ პოლონეთის პრემიერ-მინისტრმა, მატეუშ მორავეცკიმ განაცხადა.

„ვფიქრობ, პუტინისა და მისი ხალხის გეგმა, ისევე როგორც ვალერი გერასიმოვის, არის უკრაინის ალყაში მოქცევა.  წარმატებისთვის  რუსეთს სჭირდება თავდასხმა სამი მიმართულებით. ამიტომ,  ვფიქრობ, რომ უკრაინელები ვერ გამორიცხავენ ბელორუსის ჩრდილოეთ ნაწილიდან შეტევას“, – აღნიშნავს მორავეცკი.

მისი განმარტებით, ახლა ზამთარი საკმაოდ თბილია, რაც იმას ნიშნავს, რომ მიწა არ არის გაყინული, მყარი და შესაფერისი მძიმე ტანკებისთვის, არტილერიისთვის და სხვა ტექნიკისთვის.

„ყველა იმ ინფორმაციით, რაც მაქვს უკრაინიდან, ვიცი, რომ რუსეთის კიდევ ერთი შეტევა იქნება, შესაძლოა, მარტში ან აპრილში და ეს იქნება ძალიან მძიმე შეტევა.  პუტინს, ასევე, სურს კიდევ ერთხელ აჩვენოს თავის ხალხს, რომ ის არის გრძელვადიანი მოთამაშე, რომელიც არასდროს ნებდება და ისევ თავს დაესხმება კიევს, დიახ, მე მაქვს ეს შიშები“, – აცხადებს პოლონეთის პრემიერი.

მან, ასევე, აღნიშნა, რომ პუტინმა უკვე მოახდინა საკმაოდ დიდი ჯარის მობილიზება, დაახლოებით მას ჰყავს 200 000-იდან 250 000-მდე ახალი ჯარისკაცი.

„არ უნდა დაგვავიწყდეს, რომ რუსეთის რესურსები მართლაც დიდი. მას აქვს ბევრი საბრძოლო მასალა, ბევრი იარაღი და ჰყავს ბევრი ადამიანი“, – დასძინა მორავეცკიმ.