გენშტაბი: უკრაინაში ლიკვიდირებული რუსი სამხედროების რიცხვი 131 290-მდე გაიზარდა
0
2022 წლის 24 თებერვლიდან დღემდე უკრაინის შეიარაღებულმა ძალებმა დაახლოებით 131 290 რუსი ჯარისკაცის ლიკვიდაცია განახორციელეს, მათ შორის 700 მხოლოდ გასულ დღეს.
ამის შესახებ უკრაინის შეიარაღებული ძალების გენერალური შტაბის „ფეისბუქზე“ გამოქვეყნებულ განცხადებაშია ნათქვამი.
გარდა ამისა, უკრაინელმა დამცველებმა გაანადგურეს 3220 მტრის ტანკი (+2 გასული დღის განმავლობაში), 6405 (+11) – ჯავშანტექნიკა, 2226 (+6) – საარტილერიო სისტემა, 460 MLRS, 227 (+2) – საჰაერო თავდაცვის სისტემა, 294 – თვითმფრინავი. 284 – შვეულმფრენი, 1958 (+2) – ტაქტიკური უპილოტო საფრენი აპარატი, 796 – საკრუიზო რაკეტა, 18 – გემი/ნავი, 5091 – (+10) მანქანა და საწვავის სატვირთო მანქანა და 203 ცალი სპეციალური ტექნიკა.