სიმონ ჯანაშია: მნიშვნელოვანია, რომ ქართველებმა ამ მოვლენას შევხედოთ, როგორც ერთიანი რუსული პოლიტიკის გაგრძელებას და არა როგორც…
0
“???????????????? წელს რუსეთმა მიიღო კანონი უცხო ქვეყნის გავლენის აგენტების შესახებ. ამ კანონის მეშვეობით დახურა და შეავიწროვა მედია და არასამთავრობო ორგანიზაციები.
???????????????? წელს ევროკავშირში რუსეთის არაერთი ნაბიჯის მხარდამჭერმა, უნგრეთმა მიიღო კანონი უცხო ქვეყნების აგენტების შესახებ. ევროპის მართლმსაჯულების სასამართლომ ის უკანონოდ სცნო. უნგრეთს მოუწია მისი გაუქმება.
???????????????? წლის დასაწყისში ბელორუსიაში რუსეთის მოთხოვნით დაიწყეს უცხო ქვეყნის აგენტების შესახებ კანონის მიღებაზე საუბარი. ზაფხულში გამოაცხადეს, რომ ეს კანონი არ დაჭირდებათ, რადგან ისედაც აკონტროლებენ მედიას და არასამთავრობოებს.
???????????????? წლის ზაფხულში, სომხეთის ყოფილმა პრეზიდენტმა, რუსეთთან მჭიდროდ დაკავშირებულმა რობერტ ქოჩარიანი საპრეზიდენტო საარჩევნო კამპანიის ფარგლებში დაჰპირდა ხალხს, რომ მიიღებდა უცხო ქვეყნის გავლენის აგენტების შესახებ კანონს. ქოჩარიანი დამარცხდა და ეს იდეაც დამარცხდა.
???????????????? წლის დასაწყისში, რუსეთის გავლენით, ყირგიზეთის პარლამენტში დაიწყო საუბარი უცხო ქვენის აგენტების შესახებ კანონის მიღების მიზანშეწონილობის შესახებ. მანამდე 2014 წელს იყო მსგავსი მცდელობა. დისკუსია ახლაც გრძელდება, მაგრამ ხელისუფლება კანონის მიღებას არ აპირებს.
???????????????? წლის დასაწყისში აფხაზეთში რუსეთიდან გამოგზავნილმა “საგარეო საქმეთა მინისტრმა” ინალ არძინბამ მოითხოვა უცხო ქვეყნების გავლენის ანგენტების შესახებ კანონის მიღება. აფხაზეთის არასამთავრობო და მედია სექტორის აქტიურობით, და ასევე სხვადასხვა პოლიტიკური ჯგუფის წინააღმდეგობის გამო ამ კანონის მიღებას ჯერჯერობით ვერ ახერხებენ.
???????????????? წლის დასაწყისში ქართულმა ოცნებამ მოისურვა იგივე კანონის მიღება. მნიშვნელოვანია, რომ ქართველებმა ამ მოვლენას შევხედოთ, როგორც ერთიანი რუსული პოლიტიკის გაგრძელებას და არა როგორც ქართველი პოლიტიკოსების ცალკეულ დამოუკიდებელ ინიციატივას. ასევე მნიშვნელოვანია იმის გაცნობიერებაც, რომ ჩვენ სტრატეგიულ პარტნიორებს, ევროკავშირის სახელმწიფოებსა და აშშ-ში ქართული ოცნების ეს ნაბიჯი სწორედ ასე აქვთ გააზრებული,” – წერს სოციალურ ქსელში ილიას უნივერსიტეტის პროფესორი სიმონ ჯანაშია.
შეგახსენებთ, პარლამენტის ბიურომ დღევანდელ სხდომაზე ახალი საკანონმდებლო ინიციატივის – “უცხოელი აგენტების რეგისტრაციის შესახებ” კანონპროექტის შემდგომი განხილვისთვის წამყვანი და სავალდებულო კომიტეტების განსაზღვრის შესახებ გადაწყვეტილება მიიღო.კანონპროექტის ავტორები უმრავლესობაში შემავალი “ხალხის ძალის” დეპუტატები: სოზარ სუბარი, დიმიტრი ხუნდაძე, მიხეილ ყაველაშვილი, გურამ მაჭარაშვილი, დაჩი ბერაია და ვიქტორ ჯაფარიძე არიან. კანონპროექტის ინიციატორების სახელით პარლამენტში ასევე ინიცირებულია “უცხოური გავლენის გამჭვირვალობის შესახებ” კანონპროექტი.