მედვედევი: ცოტა ხნის წინ ვწერდი, თუ რატომ ქრება უკრაინა. ახლა უკვე დროა ვთქვა …
რუსეთის ფედერაციის უშიშროების საბჭოს თავმჯდომარის მოადგილე დმიტრი მედვედევი Telegram-ზე წერს, რომ უკრაინის კონფლიქტი კვლავ არგანახლების გრძელვადიანი გარანტიით იმ შემთხვევაში დასრულდება, თუ ქვეყნის დასავლეთ ოლქები ევროკავშირს შეუერთდება, ხოლო დანარჩენი – რუსეთს.
„ცოტა ხნის წინ ვწერდი, თუ რატომ ქრება უკრაინა. ახლა უკვე დროა ვთქვა, როგორ ქრება უკრაინა და ასევე, როგორია რისკი, რომ კონფლიქტი ევროპასა და მსოფლიოში განახლდეს. ეს იმაზე იქნება დამოკიდებული, რომელი გზით წავა ამ მომაკვდავი სახელმწიფოს დაშლის პროცესი წაგებული სამხედრო კონფლიქტის შედეგად – ან უკრაინის სახელმწიფოებრიობის შედარებით ნელი ეროზიის გზა სახელმწიფო სუვერენიტეტის დარჩენილი ელემენტების თანდათანობით დაკარგვით, ანაც მისი მყისიერი ნგრევის გზა სახელმწიფოებრიობის ყველა ნიშნის ერთდროული განადგურებით. უკრაინის დასავლეთ მიწები უერთდება ევროკავშირის რიგ ქვეყნებს. უკრაინის ცენტრალური და ზოგიერთი სხვა უპატრონო რეგიონის ხალხი გაეროს წესდების პირველი სტატიის მიხედვით, აცხადებს თავის თვითგამორკვევას რუსეთის ფედერაციაში შეერთებით. მისი თხოვნა დაკმაყოფილდება და კონფლიქტი დასრულდება საკმარისი გარანტიით, რომ ის აღარ განმეორდება გრძელვადიან პერსპექტივაში“, – წერს მედვედევი.