ზელენსკიმ განაცხადა მოკავშირეების მხარდაჭერის შესახებ ავიაგამანადგურებლის საკითხში
უკრაინის პრეზიდენტმა, ვოლოდიმირ ზელენსკიმ განაცხადა, რომ მოლდოვაში გამართულ სამიტზე მისი ქვეყნის მოკავშირეებმა გამოხატეს ძლიერი მხარდაჭერა კიევისთვის საბრძოლო თვითმფრინავების მიწოდების შესახებ რუსეთთან ომში.
ზელენსკიმ ეს თქვა პრესკონფერენციაზე, 1 ივნისს, კიშინიოვში 40-ზე მეტი ევროპელი ლიდერის შეხვედრის შემდეგ, მაგრამ დეტალები არ გაუმხელია, იტყობინება Reuters-ის სააგენტო.
უკრაინის ხელისუფლება დიდი ხანია ცდილობს უკრაინისთვის დასავლური საბრძოლო თვითმფრინავების მოპოვებას. მოლდოვის პრეზიდენტმა, მაია სანდუმ განაცხადა, რომ მიმდინარე სამიტი ადასტურებს კონტინენტის მტკიცე გადაწყვეტილებას, დაბრუნდეს მშვიდობა ევროპაში. სანდუმ სიმბოლური უწოდა ასეთი მაღალი დონის შეხვედრის გამართვას მოლდოვაში, უკრაინის საზღვრიდან სულ რაღაც ოცი კილომეტრში.
სანდუმ ასევე განაცხადა, რომ მოლდოვა მადლიერია უკრაინისა, რომელიც ეწინააღმდეგება რუსეთის შემოჭრას და ამით იცავს თავის მეზობლებს. „დღეს უკრაინა უზრუნველყოფს მოლდოვას უსაფრთხოებას და ჩვენ ძალიან მადლობელი ვართ ამისთვის“, - განაცხადა მაია სანდუმ, რომელსაც მოლაპარაკება ჰქონდა ვოლოდიმირ ზელენსკისთან.
უკრაინის პრეზიდენტმა სანდუსთან საუბრის შემდეგ ჟურნალისტებს განუცხადა, რომ უსაფრთხოების გარანტიები ახლა ძალიან მნიშვნელოვანია არა მხოლოდ უკრაინისთვის, არამედ მეზობელი მოლდოვისთვისაც - რუსეთისა და მისი აგრესიის გამო უკრაინაში, ასევე პოტენციური აგრესიის გამო ევროპის სხვა ნაწილების მიმართ, მოჰყავს ზელენსკის ნათქვამი რადიო თავისუფლების მოლდოვურ სამსახურს.
სამიტზე გამოსვლისას ვოლოდიმირ ზელენსკიმ აღნიშნა, რომ 2023 წელი არის გადაწყვეტილებების წელი და გამოვიდა მოწოდებით, ნატოს სამიტზე ივლისში, ვილნიუსში "უკრაინას წევრობისთვის მკაფიო მოწვევა" გაუგზავნონ, ისევე როგორც მისცენ უსაფრთხოების გარანტიები ალიანსთან ქვეყნის შეერთების გზაზე.
ზელენსკიმ ასევე აღნიშნა, რომ მას სურს იხილოს პროგრესი ევროკავშირში თავისი ქვეყნის გაწევრიანების გზაზე. კიევმა შესაბამისი განცხადება გასულ წელს შეიტანა რუსეთთან ომის დაწყების შემდეგ.
ნატოს მოკავშირეები განიხილავენ უკრაინის უსაფრთხოების გარკვეული გარანტიების მიცემის შესაძლებლობას აშშ-ის ისრაელთან თანამშრომლობის მაგალითზე. ნატოს ქვეყნების წარმომადგენლები აცხადებენ, რომ ალიანსის კარი კიევისთვის ღიაა, მაგრამ უკრაინის მასში შესვლა ძნელად შესაძლებელია, სანამ რუსეთთან ომი გრძელდება.
1 ივნისს მოლდოვაში ევროპის პოლიტიკური გაერთიანების სამიტი გაიმართა. ეს არის ახალი სახელმწიფოთაშორისი ორგანიზაცია, რომელიც შეიქმნა საფრანგეთის პრეზიდენტის, ემანუელ მაკრონის ინიციატივით უკრაინაში რუსეთის ომის დაწყების შემდეგ. მის მუშაობაში მონაწილეობს ევროპის ყველა ქვეყანა, ასევე თურქეთი და საქართველო, მათთან ერთად სომხეთი და აზერბაიჯანი. მოლდოვა მეორე სამიტს მასპინძლობს ორგანიზაციის ისტორიაში.
ზელენსკიმ ეს თქვა პრესკონფერენციაზე, 1 ივნისს, კიშინიოვში 40-ზე მეტი ევროპელი ლიდერის შეხვედრის შემდეგ, მაგრამ დეტალები არ გაუმხელია, იტყობინება Reuters-ის სააგენტო.
უკრაინის ხელისუფლება დიდი ხანია ცდილობს უკრაინისთვის დასავლური საბრძოლო თვითმფრინავების მოპოვებას. მოლდოვის პრეზიდენტმა, მაია სანდუმ განაცხადა, რომ მიმდინარე სამიტი ადასტურებს კონტინენტის მტკიცე გადაწყვეტილებას, დაბრუნდეს მშვიდობა ევროპაში. სანდუმ სიმბოლური უწოდა ასეთი მაღალი დონის შეხვედრის გამართვას მოლდოვაში, უკრაინის საზღვრიდან სულ რაღაც ოცი კილომეტრში.
სანდუმ ასევე განაცხადა, რომ მოლდოვა მადლიერია უკრაინისა, რომელიც ეწინააღმდეგება რუსეთის შემოჭრას და ამით იცავს თავის მეზობლებს. „დღეს უკრაინა უზრუნველყოფს მოლდოვას უსაფრთხოებას და ჩვენ ძალიან მადლობელი ვართ ამისთვის“, - განაცხადა მაია სანდუმ, რომელსაც მოლაპარაკება ჰქონდა ვოლოდიმირ ზელენსკისთან.
უკრაინის პრეზიდენტმა სანდუსთან საუბრის შემდეგ ჟურნალისტებს განუცხადა, რომ უსაფრთხოების გარანტიები ახლა ძალიან მნიშვნელოვანია არა მხოლოდ უკრაინისთვის, არამედ მეზობელი მოლდოვისთვისაც - რუსეთისა და მისი აგრესიის გამო უკრაინაში, ასევე პოტენციური აგრესიის გამო ევროპის სხვა ნაწილების მიმართ, მოჰყავს ზელენსკის ნათქვამი რადიო თავისუფლების მოლდოვურ სამსახურს.
სამიტზე გამოსვლისას ვოლოდიმირ ზელენსკიმ აღნიშნა, რომ 2023 წელი არის გადაწყვეტილებების წელი და გამოვიდა მოწოდებით, ნატოს სამიტზე ივლისში, ვილნიუსში "უკრაინას წევრობისთვის მკაფიო მოწვევა" გაუგზავნონ, ისევე როგორც მისცენ უსაფრთხოების გარანტიები ალიანსთან ქვეყნის შეერთების გზაზე.
ზელენსკიმ ასევე აღნიშნა, რომ მას სურს იხილოს პროგრესი ევროკავშირში თავისი ქვეყნის გაწევრიანების გზაზე. კიევმა შესაბამისი განცხადება გასულ წელს შეიტანა რუსეთთან ომის დაწყების შემდეგ.
ნატოს მოკავშირეები განიხილავენ უკრაინის უსაფრთხოების გარკვეული გარანტიების მიცემის შესაძლებლობას აშშ-ის ისრაელთან თანამშრომლობის მაგალითზე. ნატოს ქვეყნების წარმომადგენლები აცხადებენ, რომ ალიანსის კარი კიევისთვის ღიაა, მაგრამ უკრაინის მასში შესვლა ძნელად შესაძლებელია, სანამ რუსეთთან ომი გრძელდება.
1 ივნისს მოლდოვაში ევროპის პოლიტიკური გაერთიანების სამიტი გაიმართა. ეს არის ახალი სახელმწიფოთაშორისი ორგანიზაცია, რომელიც შეიქმნა საფრანგეთის პრეზიდენტის, ემანუელ მაკრონის ინიციატივით უკრაინაში რუსეთის ომის დაწყების შემდეგ. მის მუშაობაში მონაწილეობს ევროპის ყველა ქვეყანა, ასევე თურქეთი და საქართველო, მათთან ერთად სომხეთი და აზერბაიჯანი. მოლდოვა მეორე სამიტს მასპინძლობს ორგანიზაციის ისტორიაში.
