"Жалған куәлік еткен" белсенді сотталды
Жалған куәлік етіп, өтірік айтты. Осындай айып тағылған шымкенттік белсенді Сүйін Абулда бес жылға сотталды. Бұған дейін Шымкент қалалық тұрғын үй инспекциясының бұрынғы басшысы Марат Жұманов бір танысын пара беруге мәжбүр болдым деп айыптап, сотқа арызданған. Белсенді Cүйін Абулда осы істі тергеу кезінде куәгер болған. Кейін айыпталушы адамды сот кінәсіз деп ақтаған соң, бұл екі адамның өздеріне қатысты "жалған айып тақты және өтірік куәлік етті" деп іс қозғалған еді. Белсенді үкіммен келіспейді.