Басшылардың былығын әшкерелеген аспаздардың басы бәлеге қалды
АҚТӨБЕ. ҚазАқпарат - Ақтөбе облыстық Есет батыр атындағы дарынды балаларға арналған спорт мектеп-интернатының аспаздары «басшылар балаларға арналған тамақты жеп, үйлеріне тасиды» деп прокуратураға шағым түсірген. Кейін жанжалдың ортасында қалған мектеп-интернат басшылығы «аспаздар жала жапты» деп оларды сотқа берді. Моральдық шығын есебінде 800 мың теңге сұрап отыр. Қазір интернаттың асханасында жұмыс істейтін 6 аспаздың төртеуі жұмыстан шығарылған, деп хабарлайды «ҚазАқпарат» тілшісі.