Нұр-Сұлтан мен тағы бірнеше өңірде қатты көктайғақ болады
Нұр-Сұлтан мен тағы бірнеше өңірде қатты көктайғақ болады, - деп хабарлайды Tengrinews.kz тілшісі Қазгидромет мәліметтеріне сілтеме жасап.
Елордада 2 желтоқсанда түстен кейін көктайғақ болады. Күндіз оңтүстіктен екпіні секундына 18 метр жел соғады.
Қостанай облысының солтүстік-батысында, шығысында көктайғақ, тұман, бұрқасын күтіледі. Оңтүстік, оңтүстік-батыстан секундына 15-20 метр жылдамдықпен жел соғады.
Ақтөбе облысының солтүстік жартысында көктайғақ сақталады.
Қызылорда облысының орталығында батыстан секундына 15-20 метр жылдамдықпен жел соғады.
Батыс Қазақстан облысының солтүстік-батысында тұман, көктайғақ болады, түнде облыстың батысында екпіні секундына 15-20 метр жел соғады.
2 желтоқсанда таңертең және күндіз Түркістан облысының батысы мен солтүстігінде шаңды дауыл соғады. Оңтүстік, оңтүстік-батыстан таңертең және күндіз батыста, солтүстікте, таулы және тау бөктеріндегі аудандарда желдің жылдамдығы 15-20, таулы аудандарда секундына 23 метрге жетеді. Күндіз Қарағанды облысының батысында көктайғақ болады. Облыстың оңтүстігінде тұман түседі. Оңтүстіктен, оңтүстік-шығыстан, облыстың батыс жартысында жылдамдығы секундына 15-20, екпіні 23 метр жел соғады.
Павлодар облысының оңтүстігінде оңтүстіктен жел соғады, екпіні секундына 15-20 метр болады.
Маңғыстау облысының солтүстігінде және орталығында тұман, көктайғақ күтіледі. Солтүстік-батыстан жел соғады, түнде облыстың батысы мен орталығында екпіні секундына 15-20 метрге жетеді. 2 желтоқсанда таңертең және күндіз Ақмола облысының солтүстік-батысында, оңтүстік-шығысында көктайғақ, бұрқасын болады. Түнде және таңертең облыстың шығысында тұман түседі. Облыстың солтүстік-батысында, оңтүстік-шығысында жел секундына 15-20 метр жылдамдықпен соғады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!