Оралдағы жөндеуге жабылған "Шаңырақтан" шығып қалған балалар үйі түлектерінің күдігі мен қорқынышы
Оралдағы "Шаңырақ" жасөспірімдер үйі жөндеуге жабылып қалған. Апат қаупі төнген ғимараттан тұрғындарды – балалар үйінің түлектерін көшірудің арты шуға ұласты. Баспанасына қайта оралуға биліктен кепілдік сұраған бірнеше адам шатырға шығып алып, секіреміз деп қорқытты. Жазбаша шарт жасасуға уәде берген шенеуніктер екі жарым апта өтсе де, айтқанын орындаған жоқ. Ал жетімдерді жағдайы мәз емес жерге уақытша орналастырған.