Құлсарыдағы наразылық. Халық неге толқыды?
Атырау облысы Құлсары қаласы тұрғындарының наразылығы екінші күн жалғасып жатыр. Тасқын кезінде үйі су астында қалған жұрт өтемақы ретінде үйлерінің әр шаршы метріне 400 мың теңгеден қолма-қол төлеуді талап етіп тұр. Әкімдік үй жөндеуге қаржы берілетінін, бірақ үй құрылысына керек қаржы қолма-қол берілмейтінін айтқан. Құлсары халқы Жылыой ауданы әкімдігі алдында түнеп шықты. Олар ғимарат ішінде де ұйықтаған. Әкім де ғимаратта қонған. Далада үш шатыр бірге тігілген. "Кеше полиция басқа шатыр қойғызбады" дейді тұрғындар. Полиция әкімдікке барар жолдың екі жағын қоршап тұр.