Қазақстандық мәнерлеп сырғанаушы Михаил Шайдаров әлем чемпионатының күміс жүлдегері болды
Мәнерлеп сырғанаудан Бостонда (АҚШ) өткен әлем чемпионатында қазақстандық Михаил Шайдаров ерлер арасындағы жарыста күміс медаль иеленді. Ол қос бағдарламада 287,47 ұпай жинады. Алтынды америкалық Илья Малинин (318.56), қоланы жапониялық Юма Кагияма (278.19) алды.
Шайдаров - мәнерлеп сырғанаудан әлем чемпионатында жүлде алған үшінші қазақстандық. Бұған дейін Денис Тен (2013 жыл) мен Элизабет Тұрсынбаева (2019 жыл) әлем біріншілігінде екінші орын иеленген.