Қадыров жол апаты жайлы хабар тараған шақта ұлы қатысқан жиыннан видео жариялады

Шешенстан басшысы Рамзан Қадыров ұлының жол апатына ұшырағаны жөнінде хабар тараған шақта Адам Қадыровтың қатысуымен өткен күштік құрылым өкілдерімен жиын туралы видео жариялады.

Кавказ.Реалии сайтының жазуынша, файлдың метадеректеріне қарағанда, ролик жол апаты болмай тұрып бір күн бұрын түсірілген. NIYSO оппозициялық қозғалысының жазуынша, Қадыровтың жақындары сол видеоны түсірілген күні-ақ жариялаған.

Кавказ.Реалии мәліметінше, Шешенстан билігіне тәуелді ақпарат құралдары Адам Қадыровтың ауруханаға түскенін растамаған, жоққа да шығармаған.

Flightradar24 дерегінше, Шешенстан басшысының ұшағы мен төтенше жағдай министрлігінің "медициналық ұшағы" түнде Мәскеуге қонған. "ВЧК-ОГПУ" телеграм арнасы Адам Қадыров Боткин ауруханасының тоғызыншы хирургия корпусына жатқызылғанын жазды.

16 қаңтарда Шешенстан басшысының ұлы жол апатына ұшырағаны хабарланған еді. Кавказ.Реалии дереккөзінің айтуынша, 18 жастағы Адам Қадыров көліктерді бірінен кейін бірін басып оқып, қатты жүрген, рөлде Адам Қадыровтың өзі болған.

"Көлік жүрісінен жаңылып, сосын қандай да бір қоршауға соғылған. Ол рөлді басқара алмай қалған сияқты" деді редакцияның дереккөзі.

Жол апатынан кейін Қадыров Грозныйдағы республикалық жаңа ауруханаға жеткізілген. Кейін Кавказ.Реалии дереккөзі Шешенстан басшысының ұлы есін жиғанын және "оның өміріне қауіп жоғын" айтты, алайда оны Мәскеуге ауыстырған.