Алматы облысында Сирияға аттанбақ болған екі салафит 6 жылға сотталды
ТАЛДЫҚОРҒАН. ҚазАқпарат - Алматы облысында теріс пиғылды салафит ағымының жетегінде кеткен 1986 жылы туған Бейбіт Ахметжанұлы Жүсінов пен 1973 жылы туған Бауыржан Айтбекұлы Мұхамеджанов ҚР Қылмыстық кодексінің 2 бабы, 256 бөлімі және 1 бабы, 174 бөлімі бойынша қылмыс жасағаны үшін айыпты деп танылып, 6 жылға бас бостандығынан айырылды. Алматы облысы Қарасай аудандық сотының үкімі бойынша қылмыскерлер жазасын қатаң режимдегі колонияда өтейтін болады, деп хабарлайды ҚазАқпарат тілшісі.