Франциянын экс-президенти Саркозиге айыбы угузулду
Тергөөчүлөр экс-президент 2007-жылдагы өзүнүн шайлоо кампаниясын мыйзамсыз каржылаган жана Ливиядан жашыруун акча алып турган деп эсептешет.
Саркози 21-мартта кармалып, камакка алынып, кайра бошотулган. Француз медиасынын кабарларына караганда, мурдагы президентти антикоррупциялык полициянын офицерлери суракка алып жатат.
"Саркози Муаммар Каддафиден шайлоо өнөктүгү үчүн акча алган" деген маалыматтар француз медиасында адегенде 2013-жылы жарыяланган жана тергөө ошондон кийин башталган.
Өткөн жылы басылмаларда бийликтен кулатылган Каддафи Франциядагы шайлоо өнөктүгүн каржылоого 66 млн. доллар сунуштаганы тууралуу маалыматтар чыккан. Ливия бийлиги документтер жасалганын айтып чыкса, Саркози бул айыптарды четке каккан. Саркози Франциянын президентинин милдетин 2007-2012-жылдары аткарган.