Асылбек Жээнбеков: Съездге чакыруу келе элек
- Мен үч күндөн бери тажияда жүрөм. Чакыруу келген-келбегенин азыр тактайм. Бирок мен 2007-жылдан бери КСДПнын Ош шаары жана облусу боюнча координаторумун. Бирок саясий кеңештен чыккам, - деди Жээнбеков.
КСДП партиясынын төрага орун басары Фарид Ниязов партиянын жыйыны эртең, 31-мартта өтөрүн, ага 190 делегат чакырылганын билдирген. Айрым маалымат каражаттары Асылбек Жээнбеков ал делегаттардын ичинде жок экенин жазган. Бул боюнча партия жетекчилиги түшүндүрмө бере элек. (UEz)