Ооган күчтөрү Баглан провинциясындагы аймакты “Талибандан” кайтарып алды
Ал арада ооган күчтөрү кошуна Балх провинциясында да "Талибанга" каршы чабуул жүргүзүп жатат. Согушкерлер Мазари-Шариф шаарынын жанындагы бир канча айылды 2-сентябрда ээлеп алган.
Ооганстандын Коргоо министрлигинин маалымат катчысы Мухаммад Радмаштын 3-сентябрда билдиргенине караганда, алар аймакты жакын арада кайтарып алууга үмүттөнүүдө.
Акыркы мезгилде "Талибан" өз аймагын кеңейтүү үчүн айыл-кыштактарды ээлеп алуу операцияларын жүргүзүп жатат. Ал өткөн айда бир канча аймакты, анын ичинде Газни шаарынын бир бөлүгүн басып алууга жетишкен. Ооган күчтөрү кийин Газни шаарын кайтарып алганын маалымдаган.