Ошто этникалык он төрт кыргыз паспорт алды
Мамлекеттик каттоо кызматынын калкты жана жарандык абал актыларын каттоо департаментинин жетекчиси Мухабат Пратованын айтымында, Ош облусунда дагы жарандыгы жок жетимиш этникалык кыргыз бар:
- 2014-жылдан тартып он үч миңге жакын адамдын арызын кабыл алып, алардын 90 пайыздан ашыгына паспорт бердик. Эми дагы жетимиш адамдын документтерин даярдап, президентке жиберүүнүн алдында турабыз. Калгандары алышты. Ош, Баткен, Жалал-Абад облустарында жарандыгы жок адамдар көп. Буга мурда Өзбекстандын чек арасы жабык болгону себеп болгон. Алардын басымдуу бөлүгү өзбекстандык келиндер.
Пратованын айтымында, мурунку убакта Өзбекстандын тиешелүү органдарына жиберилген өтүнүчкө жооп эки-үч жыл аралыгында келсе, азыр эки-үч айда келип жатат.
Президент Сооронбай Жээнбеков 3000 адамга жарандык берүү тууралуу жарлыкка быйыл, 30-июлда кол койгон. (MdN)