Бишкектеги Ботаникалык бакчанын 80 жылдыгы белгиленүүдө
Бакчанын жетекчисинин милдетин аткарып жаткан Гүлайым Донбаеванын айтымында, быйыл март айында Ботаникалык бакчанын жаңылоо жана калыбына келтирүүнүн башкы планы бекитилди. Ушул пландын негизинде бакчанын аймагындагы дарактар жана өсүмдүктөрдүн түрүн көбөйтүп, иретке келтирүү каралууда.
Ботаникалык бакча 1938-жылы түзүлгөн. Ичиндеги өсүмдүктүн көп түрдүүлүгү боюнча Борбор Азия өлкөлөрүнүн ичинен биринчи орунду ээлейт жана ал эл аралык Ботаникалык бакчалар ассоциациясынын мүчөсү. Ушул тапта бакчанын аянты 124 гектар. Шаар тургундарына анын 36 гектар жеринде сейилдөөгө мүмкүндүк берилген.
Акыркы жылдары Ботиникалык бакчанын каралбай калганы боюнча маселе көтөрүлүп, бир катар коомдук уюмдар бул жаатта иш алпарып келет.
2011-жылы бакчанын аймагына канадалык биолаборатория куруу пландалып, 4 гектар жер бөлүнгөн. Бирок кийин экологдор каршы чыгып, президенттин кийлигишүсү менен ал курулбай калган.(BkA)