Новости за 09.01.2019

Бүгүн Бишкек шаарында эркин күрөш боюнча Кыргызстандын чемпионаты башталат. Мелдешке өлкөнүн бардык аймагынан мыкты балбандар катышат. Чемпионаттын жыйынтыгы менен Кыргызстандын күчтүүлөрү аныкталып, улуттук курама команда түптөлмөкчү. Ошондой эле бул чемпиондор Кытайда боло турган Азия чемпионатына даярдана баштайт. Чемпионат Кааба уулу Кожомкул атындагы спорт сарайында өтөт. Эркин күрөш боюнча мелдеш эртең 10-январда аяктайт. Ал эми 11-январдан тарта өлкөнүн грек-рим күрөшү боюнча чемпионат башталып, эки күнгө созулат. Читать дальше...

Нью-Йорктун федералдык прокуратурасы орусиялык юрист Наталья Весельницкаяга жаңы кылмыш ишин козгоду. Ал Prevezon Holding компаниясы мыйзамдаштыра турган 230 миллион доллар боюнча иликтөөгө кийлигишүү аракетине айыпталууда. Бул тууралуу АКШнын Юстиция министрлиги кабарлады. Маалыматтарга караганда, бул ишке орусиялык таасирдүү бизнесмен катышкан. Анын аты аталган жок. Весельницкая болсо Prevezon Holding компаниясынын адвокаты болгон. Бул иш анын АКШ президенти Дональд Трамптын өкүлдөрү менен... Читать дальше...

7-январда Улуттук коопсуздук кызматынын Тергөө башкармалыгынын мурдагы полковниги Нодирбек Туракулов 16 жылга эркинен ажыратылганы белгилүү болду. Ага мындан тышкары 81 млн. сум ($9,7 миң) айып пул салынган. Өкүм 2018-жылы 25-октябрда чыккан. «Эзгулик» укук коргоо коомунун башчысы Абдурахмон Ташанов билдиргендей, Нодир Туракулов кызмат абалынан кыянат пайдалануу, паракорчулук, алдамчылык, опузалоо беренелери боюнча күнөөлүү деп табылган. Нодир Туракулов менен бирге атайын кызмат, прокуратура... Читать дальше...

Кыргызстандын тышкы иштер министрлиги кыргыз дипломаттары Кытайдын Шинжаң аймагына барып, кырдаал менен таанышып келгенин ырастады. Буга чейин Reuters эл аралык медиа агенттигине 12 өлкөнүн дипломаттары Кытайдын тарбиялоочу лагерлерге барып келгени тууралуу кабар жарыяланган.  ТИМдин "Азаттык" радиосуна берген  маалыматына ылайык 28-декабрдан 30-декабрга чейинки аралыкта Кытай тараптын чакыруусу менен 12 өлкөнүн дипломатиялык миссиялары (Кыргызстан, Казакстан, Орусия, Тажикистан, Өзбекстан, Ооганстан... Читать дальше...

Кыргызстандын премьер-министри Мухаммедкалый Абылгазиев коомчулук кызуу талкуулап жаткан жаңы эрежелер тууралуу оюн айтты. Жаш муундарды тарбиялоо, аларга үлгүлүү жүрүм-турумду калыптандыруу ар бир улуу муундун милдети экенин билдирди. Ошол эле учурда түкүрүккө салынган айыпты кайра карап чыгуу зарыл экенин белгиледи. - Мунун баары өзүбүздүн мекенибиздин тазалыгын көрсөтүп, башка жактан келген туристтер да таза мамлекет экен, коомдук жайда өзүн үлгүлүү алып жүрүшөт экен деген түшүнүктү пайда кылышыбыз керек да. Читать дальше...

9-10-январда Доха шаарында өтүүсү пландалган Талибан менен Америка өкүлдөрүнүн сүйлөшүүлөрү жокко чыгарылды.

Бүгүн, 9-январда Өзбекстандын борбору Ташкентте Көкбөрү оюнунун эрежеси талкууланат. Эл аралык Көкбөрү федерациясынын кезектеги конгрессинде оюндун эрежелери, өзгөчө тайказанга байланыштуу маселе каралат. Жыйынга Кыргызстандагы федерациянын президенти Жыргалбек Саматов катышат. Үчүнчү Дүйнөлүк Көчмөндөр оюндарында көкбөрүнүн эрежесине байланыштуу пикир келишпестик жаралган. Оюндун эрежеси былтыр декабрь айында Бишкекте, Эл аралык көкбөрү федерациясынын 20 жылдыгын утурлай уюштурулган конгрессте сөз болгон. Читать дальше...

Сасык тумоо жана дем алуу органдарынын вирустук инфекциясы (ОРВИ) басаңдаганга чейин Бишкектеги коомдук транспорттор дезинфекцияланат. Ар бир автобус жана троллейбустардын ичи, отургучтары, кармагычтары линияга чыгардын алдында атайын хлор кошулган каражаттар менен жуулуп, тазаланат.  Буга чейин Саламаттык сактоо министрлиги Кыргызстанда сасык тумоо күчөп баратканын билдирген. Мекеменин маалыматына караганда, сасык тумоо менен катталган адамдардын саны өткөн жылы миңге чукулдаган. (КЕ)

2019-жылдын ажылык иштери башталганына байланыштуу Кыргызстан мусулмандарынын дин башкармалыгы зыяратчылардын кийимин (форма) тиктирүү үчүн сынак жарыялады. Ага катышууну каалагандардын документтерин кабыл алуу 11-январдан 11-февралга чейин жүрөт. Сынак 14-февралда өтөт. Мындан сырткары муфтият ажыга бара тургандарды менингит жана гриппке каршы эмдөөдөн өткөрүү үчүн эмдөө дарыларын Кыргызстанга алып келүүчү тараптарга сынак жарыяланганын кабарлады. Бул жылы Сауд Арабиясы Кыргызстанга 5 миң 510 квота берди. Читать дальше...

Кыргызстандын акыйкатчысы жакындарын издеген кытайлык кайрылмандардын арызы боюнча Кыргызстандын жана Кытайдын тиешелүү органдарына кайрылды. Азырынча жооп боло электигин акыйкатчы Токон Мамытов “Азаттык” радиосуна кабарлады. - Кыргызстандагы тиешелүү органдарга бердим, Кытай тарапка да чыктык, азырынча жооп ала элекмин. Жакынкы күндөрдө болуп калабы деп күтүп жатам. Мен өзүм да силер аркылуу маалымат жеткирүүгө кызыкдармын. Кытай тарап менен да иштеп жатабыз, бирок азырынча бир нерсе деп айтууга эрте. Читать дальше...

Жаңы Кылмыш-жаза кодексинин ишке кириши менен гумандаштыруунун негизинде абактан чыга турган жарандар такталууда. Бул тууралуу Жаза аткаруу кызматынын басма сөз катчысы Элеонора Сабатарова “Азаттыкка” кабарлады. Тактоо, ревизия жүргүзүү иштери үч айдын ичинде аякташы керек. - Атайын бөлүмдөр бул багытта иштеп жатат. Биз жаңы мыйзамдарды анализдеп көрүп, чыга турган адамдардын болжолдуу санын айтканбыз. Анктени кээ бир мыйзамдар жок болуп, айрымдары башкага өзгөрүп жатат. Ошонун негизинде толук чыкпаса да жаза мөөнөтү кыскарып калышы мүмкүн. Читать дальше...

АКШ президентинин улуттук коопсуздук боюнча кеңешчиси Жон Болтон Түркиянын президенти Режеп Тайып Эрдогандын кеңешчиси менен Анкарада жолугуп, Сириядагы кырдаал, АКШнын бул аймактагы аскерлерин алып чыгуу боюнча пландарын талкуулашты. Негизги көңүл АКШнын “Ислам мамлекети” террористтик уюмуна каршы күрөшүүсүндөгү өнөктөшү саналган сириялык күрттөргө бурулду. Вашингтон Сириядагы күрт кошуундарына Түркия кол салбай тургандыгына кепилдик алууну көздөп жатат. Бул АКШ Сириянын түндүк-чыгышынан өз аскерлерин чыгарарынын “шарты” экенин билдирген. Читать дальше...

АКШнын түштүктөгү чек арасында гуманитардык жана коопсуздук кризиси өкүм сүрүп жатат. Бул тууралуу президент Дональд Трамп бир нече мүнөт мурда америкалыктарга кайрылуусунда айтты. Ал көзөмөлдөнбөгөн миграция америкалыктардын жашоосуна түздөн-түз таасирин тийгизип жатканын, ондогон адамдар аткезчилик жол менен АКШга ташылган маңзаттын кесепетинен каза таап жатканын белгиледи. Бул үчүн Мексика менен чек арага дубал куруу зарыл экенин айтып, ага кете турган 5,7 миллиард долларды бөлүүнү кечеңдеткени үчүн Конгресстеги демократтарды күнөөлөдү. Читать дальше...

Бүгүн 9-январда 2019-жылы ажылык сапарына бара тургандарды каттоо башталат. Кыргызстан мусулмандар дин башкармалыгы кабарлагандай, талапкерлерди каттоо бир гана биометрикалык ID паспорттун негизинде жүргүзүлөт. Жарандар алгач РСК банкына 500 доллар жана кайтарымсыз 700 сом төлөнгөн квитанцияны алышы керек. Анын негизинде Кыргызстан мусулмандар дин башкармалыгынын түзүмүндөгү облустук, шаардык казыяттарда катталат. Каттоо 31-январга чейин уланат. Ажылык сапарга барыш үчүн коюлган талаптар менен... Читать дальше...