Новости за 30.01.2019

Венесуэладагы кырдаал күндөн күнгө өзгөрүп жатат. Кошмо Штаттар экономикалык кысымын баштаса, Орусия Мадуро үчүн баарына даяр экенин кыйытты. Улуттар Уюму өлгөн адамдар көбөйгөнүн билдирсе, укук коргоочулар бийликти сактап калуу далалаты дагы далай өмүрлөрдү кыябы деп тынчсызданууда.

Нарын районунун Жалгыз-Терек айылында жашаган миңден ашык киши мал-жаны менен кошо бир түтүктөн суу ичет. Ал дагы күнүнө болгону төрт гана саат чыгат. Бул аралыкта алар малын сугарып, үйүнө да ташыганга жетишип калышы керек.

Прокурордун өлүмү үчүн шектүү катары кармалып, Ош шаарында №25 тергөө абагында отурган Мелис Калыков Баткен облустук сотуна жеткирилди. Ушул тапта Баткен облустук сотунун коллегиясы шектүү Мелис Калыковдун адвокатынын арызын карап жатат. Адвокат Асылбек Кунгуров "облус прокурору Анарбай Мамажакыповду өлтүргөн деп шек саналган Мелис Калыковду кармоо учурунда мыйзам бузулган, ал 20 саат бою адвокаты жок кармалып турган" деген доо менен сотко кайрылган. Мурда Баткен райондук соту адвокаттын бул арызын алуудан баш тарткан... Читать дальше...

29-январда казакстандык белгилүү ырчы Димаш Кудайбергенов Москвада жана Астанада өтө турган жеке концерттерин утурлай маалымат жыйынын өткөрдү.

КСДП фракциясынын мүчөсү, депутат Абдувахап Нурбаев саламаттык сактоо министрин 82 миң долларлык жолтандабас минип жүрөт деп сынга алды. Ал 30-январда парламент отурумунда бул маселени көтөрүп, вице-спикер Аида Касымалиевадан ЖК комитетине протоколдук тапшырма берүүнү өтүндү: - Саламаттык сактоо министри Космосбек Чолпонбаев 82 миң долларлык машинеде жүрөт. Бул Дүйнөлүк банктын акчасы, жакынкы келечекте эл төлөй турган насыя. Министрдин мындай кымбат автоунаа минип жүрүүгө кандай укугу бар? Азыр ооруканада пол жуугучтар 2 миң... Читать дальше...

Тажикстандын Чек ара аскерлери башкармалыгы тажик-ооган чек арасында “Ислам мамлекети” тобунун жоочулары жок экенин билдирди.

Ош облусунун Кара-Суу районуна караштуу Кызыл-Кыштак айыл өкмөтүнүн башчысы Шарабидин Капаров жер боюнча нааразылыгын айтып чыккан айыл тургундарын сотко берди. Муну айыл өкмөт башчысы “Азаттыкка” өзү ырастады. Шарабидин Капаров өзүнүн кадыр-баркын 1,5 миллион сомго баалап, ал сумманы айыл өкмөт башчынын ишмердүүлүгүнө нааразы тургундардан өнудүрүп берүүнү суранган. Бул арада айыл өкмөт башчынын ишмердүүлүгүн сындап келаткан аялдар кайрадан маалымат жыйын өткөрүү үчүн 5 миң сом таппай жүрүшкөнүн “Азаттыкка” билдиришти. Читать дальше...

Кыргызстандын өкмөт башчысы Мухаммедкалый Абылгазиев мамлекеттик тоо-кен компаниясын түзүүнү сунуштады. Бул тууралуу ал Коопсуздук кеңешинин жыйынында cүйлөп жатып билдирди.  - "Кыргызалтын" илең-салаң иштеген компанияга айланды. Кумтөрдө алтындын азайганына байланыштуу, андан кийинки чараларды иштеп жатабыз. Сыртка ташылган рудаларга салык салынат. Кайра иштете турган ишкана курууга кеминде эки-үч жыл керек, ошондуктан салык салуу жагы каралат. Азыр рудалар сыртка мыйзамсыз ташылып, бюджетке акча түшпөй жатат, - деди Абылгазиев. Читать дальше...

Төрт жаштагы Мадина жана эки жаштагы Бубина аттуу эки кызды энеси өзү жалдаган батирдин ээсине калтырып кеткен боюнча кайрылып келген эмес. Ош шаардык ички иштер башкармалыгынын маалыматына караганда, шаардагы Өзгөн көчөсүндөгү үйлөрдүн бирине аты-жөнү белгисиз келин эки кичинекей кызы менен келип, бир бөлмөсүн ижарага алган. Эртеси күнү жумушка кеткен боюнча кайрылып келген эмес. Үй ээси келин кеткенден бери он күндөн ашуун убакыт өткөнүн, бул аралыкта кыздарды өзү карап, багып келгенин милицияга айткан. Читать дальше...

Бишкектин түштүк тарабындагы Тоолуу Маевка деген айылда “Место пути” деп аталган Кыргызстандагы буддисттердин жалгыз храмы жайгашкан. Бул жерде монах Алексей Шмыгля жашайт. 1990-жылдардан тарта буддизмди тутунуп келе жаткан монах ишеними, диндин мааниси, храмдагы жашоо-турмушу тууралуу маек курду.

wolf

Кыргызстандын Улуттук коопсуздук боюнча мамлекеттик комитетинин төрагасы Идрис Кадыркулов Коопсуздук кеңешинин жыйынында сүйлөп жатып, мурдагы вице-премьер-министр Дүйшөнбек Зилалиевдин тушунда эң көп лицензия берилгенин айтты. Ал азыркы тапта анын тушунда лицения алган 13 компания боюнча факты териштирилип жатканын, Зилалиевдин тушунда берилген лицензиялар эгемен Кыргызстандын тарыхында берилген лицензиялардын үчтөн эки бөлүгүн түзөрүн кошумчалады.  9-декабрь күнү мурдагы вице-премьер-министр... Читать дальше...

Жол коопсуздугун көзөмөлдөө кызматынын Баткен облусундагы башкармалыгынан "Азаттыкка" маалымдашкандай, кырсык 28-январь күнү болгон. Кечки саат сегиз жарым чамасында Баткен-Ош жолунун 207-чакырымында Өзбекстандын 51 жаштагы жараны И.М «Деу-Нексия» автоунаасы менен Ош шаарын көздөй бара жатып, каршы тилкеде келе жаткан «Мерседес-Бенц-313» үлгүсүндөгү автоунаа менен кагылышкан. Натыйжада "Деу-Нексия" автоунаасынын айдоочусу жана эки жүргүнчүсү окуя болгон жерден жан берген. Дагы эки жүргүнчүсү... Читать дальше...

Экологиялык жана техникалык коопсуздук боюнча мамлекеттик инспециянын башчысынын орун басары болуп 29-январда Шайлообек Нарбеков дайындалды. Ага 2013-жылы Экономикалык кылмыштарга каршы күрөш боюнча мамлекеттик кызматтын (Финполиция) өздүк коопсуздук башкармалыгын жетектеп турган маалда УКМК "кызматынан кыянаттык менен пайдаланды" деп айып койгон. 2013-жылы УКМКнын Коррупцияга каршы күрөш кызматы (АКС) Финполициянын жетекчиси Бактыбек Ашировду "кызмат абалынан кыянаттык менен пайдаланды" деп айыптап, камакка алган. Читать дальше...

Эски мектепте сабак учурунда көмүр исине ууланган балдар 29-январь күнү Ош облустук балдар ооруканасына алынып келинген. Үч бала дароо жандандыруу бөлүмүнө жаткырылган. Балдар Алай районунун Самат Ашимов атындагы орто мектептин 4-классынын окуучулары. Балдар менен чогуу аларды окуткан мугалими да иске ууланып, Ош облустук аймактар аралык ооруканасына жаткырылган. Облустук балдар ооруканасынан "Азаттыкка" маалымдашкандай, жандандыруу бөлүмүндөгү балдар ошол эле күнү палатага которулган. 30-январда... Читать дальше...

Президент Сооронбай Жээнбеков тоо-кен тармагындагы маселелерге тийиштүү көңүл бурулбай, мамлекеттин көзөмөлүнөн чыгып калганын бүгүнкү Коопсуздук кеңешинин жыйынында айтты. - Бул тармактан жылына 12 млрд. сом акча түшөт, ИДНнын 8 пайызын, өндүрүштүн 44 пайызын түзөт. Тоо-кен тармагындагы маселелерге тийиштүү көңүл бурулган эмес, мамлекеттин көзөмөлүнөн чыгып калган. Мындан улам курч маселелер жаралды. Уруксат берүү системасында тамырлашып кеткен коррупция бар. Экологияны коргоо көңүл сыртында калган. Читать дальше...

Орусиянын тышкы иштер министри Сергей Лавров Вашингтондун Каракаска карата жасаган саясатын сынга алып, Москва Венесуэланын президентин колдоо үчүн зарыл болгон бардык аракеттерди жасайт деп билдирди.

Невада штатынын атлетикалык комиссиясы UFC мушкерлери россиялык Хабиб Нурмагомедов менен ирландиялык Конор Макгрегорду дисквалификациялоо чечимин чыгарган.

Мурдагы башкы прокурор Аида Салянова агасы Калыйбек Салянов Камила Дүйшөбаеванын өлүмүнө шектелип кармалганын төгүндөдү.

Чечим NSAC жыйынында кабыл алынган. Ага чейин эки мушкер комиссия менен тынчтык келишимине кол коюп, жыйынга катышкан эмес.

Машыгуу 8-февралдан тарта 25-февралга чейин созулат.

2010-жылдын апрель окуясынан кийин камалган Улуттук коопсуздук боюнча мамлекеттик комитеттин (УКМК) ошол кездеги жетекчиси Мурат Суталиновду эркиндикке чыгаруу боюнча арыз бүгүн, 30-январда Бишкектин Ленин райондук сотунда каралат. Бул тууралуу Жогорку соттон билдиришти. Маселе Мурат Суталинов "рак оорусуна чалдыккан жана дарты өтүшүп кеткен" деген жүйөөгө байланыштуу каралганы жатат. Мындан мурда Жаза аткаруу мамлекеттик кызматы Суталиновдун ден соолугуна байланыштуу документтер, дарыгерлердин бүтүмдөрү сотко жиберилгенин билдирген. Читать дальше...

Тажикстандын Чек ара аскерлери башкармалыгынын басма сөз катчысы Мухаммад Улугходжаев "Настоящее время" телеканалына тажик-ооган чек арасында өзүн “Ислам мамлекети” деп атап алган террордук топтун жоочулары жок экенин билдирди. Анын айтымында, чек арада абал туруктуу, коркунуч болсо биринчи Тажикстанга маалым болмок.   Орусиянын ички иштер министринин орун басары Игорь Зубов Пакистандан “Ислам мамлекети” тобунун согушкерлери белгисиз тик учактар менен массалык түрдө Тажикстандын чек арасына ташталып жатканын 28-январда айтып чыккан. Читать дальше...

Орусиянын Челябинск облустук Тергөө башкармалыгы Магнитогорск шаарында турак-жайдагы жарылууга шектүү катары кармалган кыргызстандыктын кыйноого кабылганы тууралуу маалыматты текшерүүдө.  Ошол эле кезде кыргызстандык жана анын жубайы кыйноо болгонун четке кагышканын облус прокурору Виталий Лопин Znak.com сайтына билдирген. Лопин 29 жаштагы кыргызстандык Хуснидин Зайнабидиновдун денесинде жаракаттар бар экени аныкталганын да айткан. Кыргызстандык жарандын жубайы "Новая газетага" кыйноо тууралуу сөзүн танбаганын... Читать дальше...

Пакистандын Белужистан провинциясында белгисиз кишилер полиция бөлүмүнө кол салып, кеминде он киши жаракат алды.  Жергиликтүү бийликтин маалыматына караганда, кол салуу шейшембиде болгон. Куралчан төрт адам Лоралай районунун башкы инспекторунун орун басарынын кеңсесин аткылап, жардыруу уюштурушкан.   Жабыркагандардын сегизи полиция кызматкерлери экени кабарланды. Үч кызматкер каза болгону да маалымдалып жатат. Бирок бул кабар азырынча тактала элек.  Кол салуу үчүн жоопкерчиликти эч ким моюнга ала элек. Читать дальше...