Новости за 26.03.2019

Британияда киши өлтүрүүгө айыпталган Жек Шефердди мекенине экстрадициялоо тууралуу чечимди 26-мартта Тбилиси шаардык соту чыгарды.   Шеферд Грузияга 2018-жылы келип, Тбилисиде бир жыл жашаган. Британ соту аны капыстан киши өлтүрүп алган деген негизде күнөөлүү деп таап, сырттан алты жылга эркинен ажыраткан. Быйыл январда британ бийлиги ага издөө жарыялагандан кийин Шеферд грузин полициясына өз ыктыяры менен колго түшкөн. Буга чейин Шеферд Британияга жеңилдетилген тартипте экстрадиция болуудан баш тартып... Читать дальше...

Европарламент 26-мартта Өзбекстандагы саясий реформаларга, адам укуктарынын сакталышына жана сөз эркиндигине кылдат байкоо салууга Европа биримдигин чакырды.  Өзбекстан боюнча сунуштар Европарламенттин 26-мартта жактырылган отчетунда камтылган. Анда 2016-жылы авторитардык башкаруу орноткон биринчи президент Ислам Каримов каза болгондон кийин бийликке келген өзбек лидери Шавкат Мирзиёев Өзбекстанда реформа жүргүзүүгө убада бергени эске салынган.  Мирзиёев Евробиримдикти Өзбекстанда көз карандысыз... Читать дальше...

"Facebook" корпорациясы 2600 аккаунтту өчүргөнүн билдирди. Маалыматка караганда, аккаунт, топтордун "Фейсбук" жана "Инстаграмдан" өчүрүлүшүнө алардын ээлеринин туура эмес аракеттери, троллдордун саясий мазмундагы спамдарды, "фейк" маалыматтарды таратышы себеп болгон.  Өчүрүлгөн аккаунттардын 1907си Орусияга, 500дөн ашыгы Иранга байланышы бар. Калганы Түндүк Македония, Косово менен байланыштуу. Быйыл январда "Facebook" орусиялык 500дөн ашык аккаунттарды өчүргөн. ​

Экс-президент Алмазбек Атамбаевдин жана анын жан-жөкөрлөрүнүн байлыгын иликтөө жана аларды жоопко тартуу маселеси козголду.

Парижде жүздөгөн адамдар Кытайдагы уйгурлар менен тибеттиктердин укуктарын коргоп чыгышты. Израил Газа тилкеси менен чек арага танктарды жайгаштырды. Ирландиялык белгилүү мушкер Конор Макгрегор спорттон кетет.

Кытайдын лидери Си Цзинпин 25-мартта Парижге сапар менен келген маалда Эйфел мунарасына жакын жерге жүздөгөн демонстрант чогулду. Алар француз президенти Эммануэл Макронду Кытай лидери Си Цзинпин менен сүйлөшүүлөрдө Шинжаңдагы аз улуттардын укугун коргоп, алардын муң-зарын кытай бийлигине жеткирүүгө чакырышты. "Биз Кытай президентинин Францияга келгенине байланыштуу тынч жыйынга чогулдук.  Кытайдын баскынчылыгында калган тибеттиктердин азаптуу жашоосун билдирип чыктык. Биз президент Макрондон президент... Читать дальше...

Ош-Баткен-Исфана жолун курган жумушчулар бир жылдан бери эмгек акысын ала албай жатканын айтып, Бишкекте басма сөз жыйынын өткөрүштү.

26-мартта Орусияга караштуу Ингушетия республикасынын борбору Магастагы акцияга миңдеген киши чыкканын уюштуруучулар билдиришти. Митинг Чеченстан менен Ингушетиянын чек арасы боюнча талаш-тартыш чыккандан кийин уюштурулду. Шаарда полиция кызматкерлери көбөйтүлүп, митинг өтүп жаткан жерде темир тосмолор орнотулганы кабарланды. Катышуучулар республика президенти Юнус-Бек Евкуровго ишеним көрсөтпөй турганын айтып, анын кызматтан кетишин талап кылышты. 20-мартта президент республиканын чек арасын... Читать дальше...

Өзгөндүн Кайнар айылында автоунаа жүргөнгө ылайыктуу жол жок болгондуктан, айылдыктар өз күчү менен жол курууга киришти. Эч кандай техникасыз, жалаң темир казык, барскан менен тоонун боорунан жол салууга киришкен эл өкмөттөн деле жардам сурабаптыр. Айылдыктар бул кадамга аргасыздык түрткөнүн айтышат. Буга чейин жолдун жоктугунан келиндер үйдө төрөгөнгө аргасыз болгон.

Аксы районунун жергиликтүү тургундары жана активисттери чек араны тактоодо Кыргызстан бул аймактан Өзбекстанга жерди ашыкча берип жатат деп эсептешүүдө. Бул боюнча президентке жана Жогорку Кеңешке да кайрылуу жолдоп, өз жүйөлөрүн келтиришкен.

Түштүк Корея Америкадан Ирандын мунайына каршы жарыяланган санкциялардан бошотуу мөөнөтүн узартууну талап кылат.

26-мартта Израил Газа тилкеси менен чек арага танктарды жайгаштырды.

Ирландиялык мушкер жалпы жонунан 21 беттеш өткөрүп, анын төртөөсүндө гана жеңилген.

Бишкек шаарынын Чүй проспектиси менен Кулиев көчөсүнүн кесилишинде, Ош базарга жакын жерде көчө жарнагынын темир устун жүргүнчү ташуучу кичиавтобусту жана бир жеңил автоунааны басып калды. Бул тууралуу "Азаттыкка" окуянын күбөлөрү билдиришти. Социалдык тармактардын колдонуучулары окуя 26-мартта түштөн кийин болгонун жазып, сүрөт жана видеолорду жарыялашты. Бишкек шаардык мэриясы жана Жол кыймылынын коопсуздугун камсыздоо башкармалыгы да бул маалыматты тастыктап, окуя болгон жерде териштирүү жүрүп жатканын айтышты. Читать дальше...

UFC жылдызы карьерасын жыйыштырганын жар салган.

Перс булуңундагы төрт мамлекет - Сауд Арабиясы, Бахрейн, Катар жана Кувейт АКШ президенти Дональд Трамптын талаштуу Голан дөңсөөлөрүнө Израилдин ээлигин тааныган чечимин сынга алышты.  АКШнын өнөктөштөрү болгон төрт мамлекеттин билдирүүсүндө Трамптын чечими аймактагы туруктуулукка терс таасир этиши мүмкүндүгү айтылат. Ошондой эле Голан дөңсөөлөрү "Израил басып алган араб аймагы" экени белгиленген.   Сауд Арабиясы Трамп кол койгон документти "БУУнун уставы менен эл аралык укукту бузуу" деп атады. Читать дальше...

“Диндин басып өткөн тарыхын карагыла, ал бизге эмне берди? Алардын бардык жердеги терс аяктыгынан жер үстүндө өлүктөр жайнап, кара жер кан жутту, шаарлар өрттөлдү, канча өлкөлөр ойрондолду, бирок дин адам баласын асылдандыра алган жок”. Клод Андриан ГЕЛЬВЕЦИЙ (1715-1771), француз философу Аргаң жок күлөсүң таксырларга. Коомчулукта ЛГБТ көйгөйү көтөрүлдү эле, селдечендер жер сабаган тукурукту баштады. Чубак ажы Жалилову чыкты гейлерди өлтүрүүгө чакырык таштап. Феминисттер уюштурган акция ушунчалык шаштысын алган экен... Читать дальше...

Кыргызстан социал-демократиялык партиясынын (КСДП) саясий кеңешинин мүчөсү Фарид Ниязов Жогорку Кеңештин төрагасы Дастан Жумабековдун экс-президент Алмазбек Атамбаевдин дарегине айткан сын пикирине жооп кайтарды. Партиянын катчылыгы аркылуу тараткан билдирүүсүндө ал Дастан Жумабековдун айыптоолорун жалган деп баалап, Атамбаевдин президенттик башкаруусундагы жылдардагы жетишкендиктерди санап берди. Ниязов "Жумабеков ачык айтпаса да, Атамбаев менен иштешкенине сыймыктанат" деп эсептейт. Фарид Ниязов... Читать дальше...

"Кыргызгидромет" борбору Кыргызстандын аймагында 28-30-марттарда туруксуз аба ырайы күтүлөрүн эскертип, көпчүлүк аймактарда жаан, тоолуу райондордо кар жаай турганын билдирди. Чүй, Талас, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан-чачын катуу жаашы ыктымал. Тоолуу райондордо жолдор тайгак жана тоңголок болот. Батыштан соккон шамалдын ылдамдыгы кээ бир райондордо секундасына 15-20 метрге жетет. Абанын температурасы бир аз төмөндөйт. Мындай туруксуз аба ырайы айыл чарба иштерин... Читать дальше...

Бишкектин Биринчи май райондук соту Бишкек жылуулук электр борборундагы (ЖЭБ) өндүрүштүк кырсыкка байланыштуу соттук ишти кароону улантты. 26-марттагы отурумда “Электр станциялары” ишканасынын мурдагы директору Узак Кыдырбаев сурак берип, химиялык блок, туздан арылтылган сууну иштетүү жана андагы көйгөйлөр тууралуу айтып берип, буга орун басарлары жооп бериши керектигин белгиледи. Прокурор экс-директор Кыдырбаевдин көрсөтмөсү буга чейинкилерден айырмаланып жатканын белгилеп, "ал жоопкерчиликтен качып жатат" деп билдирди. Читать дальше...

Ирландиялык белгилүү мушкер Конор Макгрегор спорттогу карьерасы аяктап жатканын 26-мартта "Твиттерге" жазды. Ал ардагер спортчулардын катарына кошулуп жатканын билдирди.  Макгрегордун күйөрмандары бул билдирүүгө көп ишенбей турушат. Мушкер 2016-жылдын апрель айында да америкалык Нейт Диаска утулуп калгандан кийин спорттон кетерин айткан. Бирок ошол эле жылы реванш үчүн таймашка кайтып келген. 30 жаштагы Макгрегор баш-аягы 21 жеңишке жетишип, төрт жолу утулган. 2018-жылдын октябрь айында Лос-Анжелесте... Читать дальше...

Орусиянын Коргоо министрлигинин маалыматына караганда, Сирияда орусиялык үч аскер набыт болду. Алар түшкөн автоунаа февралдын аягында Сириянын Дейр-эз-Зор провинциясында жоочулардын буктурмасына кабылган.  Мекеме окуядан кийин орус армиясы жоокерлерге кол салган топтун изине түшүп, отуздан ашык согушкер жок кылынганын кошумчалады. Ошол эле маалда бул операция кайсы күнү болгону айтылган жок.  Расмий маалыматтарга ылайык, Сирияда каза тапкан орусиялык аскерлердин саны ушуну менен 115ке жетти.... Читать дальше...

7-апрелде 2010-жылкы апрель ыңкылабына тогуз жыл болот. Аны утурлай «Азаттык» Кыргызстандын тарыхындагы ири саясий окуянын күңгөй-тескейин күбөлөр менен чогуу эскерет. Бишкек шаарынын ошол кездеги коменданты, Жогорку Кеңештин бешинчи чакырылышынын депутаты Туратбек Мадылбеков 6-7-апрелде өзү күбө болгон окуяларды, талап-тоноочулуктун, бийлик талаштын айрым өңүттөрүн Бурулкан Сарыгуловага айтып берди.

Бишкек шаарында кыргыздын атактуу инсандарынын урматына тургузулган эстеликтер көп. Алардын таржымалын орто жаштагы шаар тургундары жакшы билгени менен кээ бир жаштарда маалымат жокко эсе.

Пакистандын Жогорку соту 26-мартта коррупцияга айыпталып кармалган мурдагы премьер-министр Наваз Шарифти алты күнгө күрөөгө бошотту.   Сот чечимине ылайык, 69 жаштагы Шариф бул убакыт аралыгында Пакистандын кайсы аймагында болбосун дарылана алат. Бирок ага өлкөдөн чыгууга уруксат берилбейт.   Камактагы мурдагы премьер жүрөк жана бөйрөк оорусунан жабыркап жүргөнүн, дарыланууга муктаж экенин анын адвокаттары айтып келишкен.  Февралда Исламабад шаарынын соту Шариф ооруканада дарыланып жатат деген негизде аны күрөөгө бошотуудан баш тарткан. Читать дальше...