Новости за 19.08.2019

19-августта Экономикалык кылмыштарга каршы күрөш боюнча мамлекеттик кызматта беш сааттай (Финполиция) сурак берип чыккан саясатчы, “Республика” партиясынын лидери Өмүрбек Бабанов "Кыргызстанга бийлик менен сүйлөшүп, анан келди" деген пикирлерди четке какты. Бул тууралуу ал журналисттердиен суроосуна жооп берип жатып билдирди. ​“Бийлик менен сүйлөшүп алып келсем, мени Финполго төрт сааттан ашык кармап отурушмак беле”, - деген Бабанов тергөө иштери мыйзамдуу болоруна ишенерин, мамлекеттин мүлкүн менчиктештирип албаганын... Читать дальше...

19-августта “Республика” партиясынын лидери Өмүрбек Бабанов Экономикалык кылмыштарга каршы күрөш боюнча мамлекеттик кызматта (Финполиция) беш сааттай сурак берип чыкты. Ал "Кыргызстан" коммерциялык банкы тууралуу сурак бергенин айтып, тергөөнүн кызыкчылыгы үчүн башка жагдайларды ачыктай албасын билдирди. Бабанов суракта тергөөчүлөрдүн сылык-сыпаа мамилесин белгиледи. Ал 20-августка Улуттук коопсуздук боюнча мамлекеттик комитетке (УКМК) суракка чакырылганын кошумчалады. Быйыл апрелде “Кыргызстан”... Читать дальше...

Бишкекте теннис боюнча «Sunrise Open» − 1 эл аралык мелдеши өтүп жатат. Ага 10 мамлекеттен 103 теннисчи катышууда.

Баткен, Нарын, Ош жана Талас облустарынын айрым калктуу конуштарына айыл статусу берилди. Буга байланыштуу мыйзамга президент Сооронбай Жээнбеков кол койду. Ага ылайык, Баткендин сегиз, Нарындын беш, Оштун 16, Таластын эки калктуу конушу айыл категориясына кирди. Жогорку Кеңеш аталган мыйзамды 2019-жылдын 26-июнунда кабыл алган. Эгер аталган калктуу конуштарга айыл макамы берилсе, айыл башчылары дайындалып, бир катар жергиликтүү маанидеги социалдык-экономикалык маселелердин чечилишине өбөлгө түзүлөрү айтылууда. Читать дальше...

Бишкекте теннис боюнча «Sunrise Open» эл аралык мелдеши өтүп жатат. Ага 10 мамлекеттен 103 теннисчи катышууда. Мелдештин башкы калысы Александр Шербина «Азаттыкка» билдиргендей, таймаштар 14 жаштан 18 жашка чейинки кыздар жана балдар арасында өтүп жатат.  Таймаштар жекече жана жупташкан (ар бир командада экиден оюнчу) категорияларда өтүп жатат. Биринчи жуманын жыйынтыгы менен кыздар арасындагы жуптук таймаштарда казак спортчусу Адел Малгонусова менен беларус теннисчиси Дарья Зубцовскаялар жеңишке жетти. Читать дальше...

Human Rights Watch уюму Тегеран эркектей кийинип, эл менен стадиондо футбол көргөн төрт ирандык аялды камактан бошотконун жазып чыкты. Буга чейин ФИФА эгер Тегеран 40 жылдан берки аялдардын стадионго барып, мелдештерди көргөнүн чектеген тыюну алып салбаса, анда Ирандын улуттук курамасы тандоо оюндарына катышпай каларын эскерткен. Тегеран ФИФАнын аялдардын укуктарын коргогон талабына кулак салбай келет.

Кыргызстандын волейбол боюнча улуттук курама командасы Азиянын аймактык (борбордук зона) чемпионатында алгачкы жеңишин камсыз кылды. Мелдеш ушул тапта Непалдын Катманду шаарында өтүп жатат. Өлкөнүн Волейбол федерациясынын басма сөз катчысы Бакыт Шүкүралиев «Азаттыкка» билдиргендей, Кыргызстандын курама командасы биринчи беттешинде үй ээси Непалдын курама командасы менен ойноп, жыйынтыгында 3:0 (25-23; 25-22; 25-22) эсебинде жеңишке жетти. Кыргызстандык волейболчу Оңолбек Каныбек уулу беттештин эң мыкты оюнчусу аталды. Читать дальше...

Бүгүн, 19-августта Украинанын борбор шаары Киевде президент Владимир Зеленский Израилдин премьер-министри Биньямин Нетаньяху менен жолукту. Зеленский Нетаньяхуга Украинанын бүтүндүгүн колдогону үчүн ыраазычылык билдирди. Ошондой эле Голодомор окуяларында украин эли геноцид болгонун таанууга чакырды.  Нетаньяху өз кезегинде Зеленскийге эки өлкөнүн ортосундагы экономикалык байланышты чыңдоого умтулганына рахмат айтты жана эркин соода аймагын кеңейтүүгө убада берди. Ал Зеленскийди Иерусалимге келип кетүүгө чакырды. Читать дальше...

Чүй облустук соту камакта отурган саясатчы Садыр Жапаров боюнча Аламүдүн райондук сотунун токтомун өзгөртүүсүз калтырып, анын жаза мөөнөтүн кыскартуудан баш тартты.

Түрмөдөн мөөнөтүнөн мурда бошотулуп, Кыргызстандан чыгып кеткен кримтөбөл Азиз Батукаевдин ошол кездеги адвокаты Али Касымов тергөө менен кызматташууга макул болду. Бул тууралуу Ички иштер министрлигинин (ИИМ) басма сөз кызматы билдирди. Маалыматка караганда, шектүү Касымов 16-август күнү кызматташуу жөнүндө процесстик келишимге келүү тууралуу кат менен кайрылган. Учурда анын бөгөт чарасын өзгөртүү маселеси каралып жатат. ИИМ тараткан маалыматта Али Касымов Батукаевди бошотуу ишинде ортомчу катары кызмат кылганы белгиленет. Читать дальше...

«Инстаграмда» ички иштер министри Кашкар Жунушалиев менен анын мурдагы орун басары Курсан Асановду колдогон эки аккаунттун тиреши башталды.

Кыргыз бермети Ысык-Көлгө жээгине совет доорунда курулган же көчүрүлүп келип, жайгаштырылган завод, фабрикалардан баштап аскердик, кеме куруу ишканаларынын азыркы абалы.

Венгриянын Шопрон шаарында Германиянын канцлери Ангела Меркел менен Венгриянын премьер-министри Виктор Орбан эки өлкөнүн ортосундагы чек аранын ачылганынын 30 жылдык мааракесин белгилешти.  Будапешт 1989-жылы 19-августта Германия менен чек арасын үч саатка ачкан. Анда Германиянын чыгышынан Батышка 700 адам качып кеткен. Бул окуя тарыхта «темир көшөгөнүн» ачылышы катары калган.  Венгрия 1989-жылы 11-сентябрда Чыгыш Германиянын тургундары үчүн атайын Австрия менен чек арасын ачкан. Чыгыш Германиянын... Читать дальше...

Казакстанда Саламаттык сактоо министрлиги күйдүргү (Сибирь жарасы) илдетине байланыштуу Акмоло облусундагы Ольгинка айылына карантин жарыяланганын маалымдады. Ушул тушта айылдын оозуна бекет орнотулуп, кирип-чыгууга чек коюлду. Ушул айдын башында аталган айылдын төрт тургуну ылаңдаган бодо мал союп жатканда күйдүргү жуктуруп алганы белгилүү болгон.  Айыл чарба министрлиги ушул тушта аталган айылда күйдүргү менен ылаңдаган мал-жан жок экенин билдирүүдө.  Ольгинка кыштагы Нур-Султан шаарынын 80 чакырым аралыкта жайгашкан. Читать дальше...

«Африка сомун» Ошко алып келген балыкчы чарбакер. Ат-Башынын дүйнөлүк сыйлык алган ак балы кантип топтолот? Өмүрүн искусствого арнаган алайлык устанын жеке музейи. Волейболду жашоосунун ажырагыс бөлүгү катары эсептеген айымдар.

Үч айда Орусияга 2,5 миллион адам ишке келген.

«Республика» партиясынын лидери Өмүрбек Бабанов учурда Экономикалык кылмыштарга каршы күрөш боюнча мамлекеттик кызматта (Финполиция) сурак берип жатат. Бул тууралуу «Азаттыкка» мекеменин басма сөз катчысы Анастасия Пискур билдирди. Азырынча Финпол Өмүрбек Бабанов кайсы берене боюнча сурак берип жатканын тактай элек. Быйыл апрелде «Кыргызстан» коммерциялык банкына байланыштуу кылмыш иштерин териштирүү жанданганы белгилүү болгон. Финансы полициясы 11-апрелде аталган банктын директорлор кеңешинин төрагасынын орун басары... Читать дальше...

Америкадагы отставкага кеткен сот жана саясий серепчи Ирандын батыш өлкөлөрүнө каршы туруусу дүйнөнүн башка өлкөлөрүнүн назарын өзүнө бурду деп “TasnimNews” агенттигине берген өзгөчө маегинде билдирди.

Орусиянын Самара облусунда ууланган өзбекстандык мигранттарга жардам бериш үчүн Ташкенттен Саламаттык сактоо министрлигинин башкы токсикологу Рустам Акалаев менен башкы гематологу Хамида Казакбаева барды.  Азыр облустук ооруканада Өзбекстандын 44 жараны жатат. Абалы өтө оор төрт адам Москва шаарындагы Гематология боюнча улуттук медициналык изилдөө борборуна которулган. Бир адам ооруканада каза болгон.  Өткөн айдын ортосунда Самарада иштеп жүргөн 69 өзбекстандык мигрант «белгисиз заттан» жапырт ууланган. Читать дальше...

“Эже-сиңдилер” баарлашуусуна бул жолу кайраттуу, көпчүлүккө дем берген айымдарды чакырдык. Алар мүмкүнчүлүгүбүз чектелген деп үйдө олтуруп калбастан, билим алып, алдыга максат коюп элге үлгү боло алышкан.

Ар кандай шартта Сирияга кетип, ошол жактагы лагерлерде катаал шартта күн кечирип жаткан кыздарын, неберелерин эртерээк алып келип берүүнү бийликтен өтүнгөн энелер «Азаттыкка» арманын айтышты.

Орусиянын Агартуу министрлиги орто мектептерде окуучуларга уюк телефон колдонууга чектөө киргизүүнү сунуш кылып жатат. Министрликтин сайтында тиешелүү мамлекеттик мекемелер буга байланыштуу сурамжылоолордун жыйынтыгын талдап-иликтеп чыгып, эл аралык тажрыйбаны эске алып атайын сунуштама даярдалганы айтылат.  Сурамжылоого ылайык, сабак болуп жатканда уюк телефон колдонууну чектөөнү окуучулардын 61 пайызы, ата-энелердин 89 пайызы, мугалимдердин дээрлик 90 пайызы колдогон. Окуучулардын теңинен көбү... Читать дальше...

Кыргызстан, Казакстан жана Орусиядан келген спорчулар Ысык-Көлдү сүзүп өтүштү. 22 спортчу 14 чакырым аралыктагы көлдүн тескей тарабынан күңгөй жээгине 5 саат дегенде жетти. Алардын арасында мурдагы премьер-министр, Жогорку Кеңештин депутаттары да болду.

Индиянын бийлиги өлкөнүн түндүгүндө нөшөрлөп жааган жамгырдан улам 28 киши каза таап, 22си дайынсыз жоголгонун билдирди.

Ооганстандын президенти Ашраф Гани 17-августта үйлөнүү тойдо болгон чабуулду айыптап, «Ислам мамлекети» радикал тобунун баардык уюктарын жок кылууга убада берди. Ганинин бул билдирүүсү 19-августта өлкөсүнүн Британиядан өз алдынчалык алышынын 100 жылдыгына арналган салтанатта айтылды.