Новости за 24.01.2020

"Азаттык плюс" бул жолу Кыргызстандын желегин чет жакта желбиреткен азаматтардан кабар алды. Берүүнүн бул жолку каармандары кичинекей кезинен жер кезип, тунук акылы, кайталангыс таланты менен көпчүлүктү таң калтырып келишет. Алар учурда эмне менен алек?

Президент Сооронбай Жээнбеков укук коргоо органдарынын коррупцияга каршы күрөшүн сындап, прокуратура менен сот жемкорлорду калкалап жатканын айтты.

Болгариянын өкмөтү Орусиянын эки дипломатын өлкөдөн чыгарышы мүмкүн. Бул тууралуу Болгариянын тышкы иштер министри Екатерина Захариева 24-январда айтты. "Биз прокурорлордон [дипломаттарга коюлган] дооматтар тууралуу кат алдык. Тиешелүү чараларды көрөбүз. Аларды персона нон грата деп жарыялачудай болуп турабыз", - деди Захариева. Ал бул маселе боюнча Софиядагы орус элчисин Тышкы иштер министрлигине чакыртып, түшүндүрмө талап кылаарын кошумчалады. 24-январдын таңында Болгариянын Башкы прокуратурасы... Читать дальше...

Бишкектеги Ололо-Хаус борборунда 23-январдын кечинде жарандык активисттер уюштурган “Калыш же качыш керек: реакциялар өлкөсү” аттуу иш-чара өттү. Анда бир катар жаратман активисттер өлкөнүн келечеги тууралуу ой бөлүштү. Уюштуруучулар мындай иш-чараны жемкорлорго каршы жана сөз эркиндигин колдоо боюнча «#REакция» деген аталыштагы акциянын уландысы катары ай сайын өткөрүү пландары бар экенин айтып жатышат.

Кытайда өпкөнү сезгенткен жаңы вирустан өлгөндөрдүн саны 26 адамга жетти. Саламаттыкты сактоо мекемелеринин өкүлдөрү илдетти жуктуруп алган 830 адамдын 177синин абалы оор экенин билдиришти. Белгисиз вирустун жайылышын көзөмөлгө алуу үчүн баш-аягы 41 миллион адам жашаган 13 шаарга карантин киргизилип, коомдук транспорттун каттамдарына чектөө коюлду. Бул вируска кабылгандар Жапонияда, Филиппинде, АКШда, Түштүк Кореяда, Таиландда жана Сауд Арабиясында да катталды. Бирок Дүйнөлүк саламаттыкты сактоо... Читать дальше...

Кыргызстанда өкмөттүк эмес уюмдарга карата көзөмөлдү күчөтүү тууралуу мыйзам долбоорунда одоно эреже бузуулар бар. Бул тууралуу «Адилет» укуктук клиникасы 24-январда долбоор боюнча коомдук угууда билдирди. Уюмдун юристи Искендер Какеевдин белгилешинче, эгер бул мыйзам кабыл алынса Конституция кепилдеген эркиндиктер чектелет. Биринчиден, адамдардын эркин чогулуу укугун эбегейсиз чектөө болот: - Кайсы гана чектөө болбосун, ал Конституцияда жазылган мыйзамдуу максаттарга негизделиши керек. Бул долбоордо андай негиздеме жок. Читать дальше...

Президент Сооронбай Жээнбеков укук коргоо органдарынын коррупцияга каршы күрөшүн сындап, прокуратура менен сот жемкорлорду калкалап жатканын айтты. Өлкө башчы буга коомчулуктун талкуусуна түшкөн айрым чуулуу окуяларды мисал келтирип, жемкорлор менен күрөшө албаган жетекчилерди кызматын тапшырып кетүүгө чакырды. Бул тууралуу 24-январда Коопсуздук кеңешинин кезектеги жыйынында сөз болуп, анын натыйжасында өкмөткө 30 мамлекеттик кызматкерге чара көрүү сунушталды.

Испаниянын түштүк-чыгыш аймактарын каптаган “Глория” деп аталган бороон 13 кишинин өмүрүн алды. Төрт адамдын дайыны чыкпай жатат. Он миңдеген үй-жай электр жарыксыз калды. Бейшембиде премьер-министр Педро Санчес жабыркаган аймактарды тик учак менен кыдырып, жергиликтүү тургундар менен жолугушту. Ылдамдыгы саатына 144 чакырымга жеткен, жаан аралашкан катуу шамал Испаниянын аймагына жекшембиде жеткен. Деңиздеги толкун 13 метрге чейин көтөрүлүп, айрым аймактарда калың кар түштү. Көпүрөлөр, темир жолдор иштен чыкты. Читать дальше...

Кытайдын Ухань шаарында ушул тапта 94 казакстандык студент бар. Алардын биринин энеси студент кызын Кытайдан алып чыга албай жатканын айтты. Багдадда миңдеген киши АКШнын аскердик күчтөрүнүн Иракта турушуна каршылык билдирип, жүрүшкө чыгышты. "Айканын" режиссер Сергей Дворцевой айыпка жыгылды.

Өзбекстандын президенти Шавкат Мирзиёев жакырчылыкты жоюуга 700 миллион доллар бөлүүнү убада кылды. Ал бул тууралуу 24-январда жаңы парламенттеги кайрылуусунда билдирди. Мирзиёевдин айтымында, Өзбекстандын 34 миллиондой калкынын 15% жетишпеген турмушта жашайт. Мирзиёев пенсия, айлык көтөрүлөрүн, ооруканаларга 2020-жылдан тарта электрондук медициналык тейлөө киргизилерин да кошумчалады. Өзбек президенти калк арасында сергек жашоо образын жайылтууга чакырып, алдыдагы Олимпиада оюндарына спортчуларды... Читать дальше...

Бүгүн, жума күнү эртең менен Кытайдын Ухань шаарында коронавирустун жаңы түрү менен ооруган бейтаптарды дарылоо үчүн жаңы оорукананын курулуш иштери башталды.

Ысык-Көл облусунда "Тез жардам" унаасы жол кырсыгына учурады. Бул маалыматты Ысык-Көл райондук ички иштер бөлүмү ырастады. Милициянын билдиришинче, окуя 24-январда түшкө маал Булан-Сөгөттү айылынын кире беришинде болгон. Дарыгерлер Корумду айылында жол кырсыгында жабыркагандарга жардам көрсөтүү үчүн жөнөп бараткан. "Тез жардам" автоунаасынын 62 жаштагы айдоочусу, 59 жаштагы фельдшер райондук оорукананын жандандыруу бөлүмүнө жаткырылды. Жол кырсыгынын чоо-жайы териштирилип жатат. Милициянын божомолунда... Читать дальше...

Ош, 24-январь, 2020-жыл. /ca-irnews.com/. Оогандын Памиринен көчүрүлүп келип, Кыргызстандын Алай районуна жайгаштырылган кыргыздардын сабатын ачуу максатында өкмөт аларды 3 класска бөлүп билим бере баштаган.

Еврокомиссиясынын президенти Урсула фон дер Ляйен жана Европа кеңешинин төрагасы Шарль Мишель Брекзит келишимине кол коюшту. Улуу Британиянын Европа Биримдигинен кандай шартта чыгаары жазылган макулдашууга кол коюу иш-чарасына журналисттер киргизилген жок. Лондон менен Брюссель бул документ боюнча октябрь айында мунаса табышкан. Бул аптада британ парламенти келишимди жактырып, ага ханыша Елизавета II кол коюп берди. Евробиримдиктин парламенти Брекзит келишимин кийинки аптада ратификациялайт деп күтүлүүдө. Читать дальше...

Орус президенти Владимир Путин жаңы өкмөттүн курамына кирбей калган мурдагы эки министрди өзүнө кеңешчи кылып дайындады. Анын мурдагы экономикалык өнүгүү министри Максим Орешкинди жана мурдагы маданият министри Владимир Мединскийди кеңешчи кылып дайындаган жарлыгы 24-январда жарыяланды. Эки министр 15-январда мурдагы премьер-министр Дмитрий Медведев жетектеген өкмөт отставкага кеткенден кийин кызматынан кол жууган. Алар жаңы өкмөт башчы Михаил Мишустиндин командасына кирбей калышкан. Орусиянын... Читать дальше...

Рухолла аль-Мусави аль-Хомейни 1902-жылы 24-сентябрда Хомейн деген шаарда ислам динин бекем туткан дин кызматкеринин үй-бүлөсүндө төрөлгөн.

«Коорупцияга каршы күрөшүү улантылат.  ММК, жарандык сектор колдоп жатышат, мындай колдоо менен биз күрөштү күчөтөбүз» — деп билдирди Кыргыз Республикасынын президенти Сооронбай Жээнбеков бүгүн, 24-январда Кыргыз Республикасынын Коопсуздук кеңешинин кезектеги жыйынында.

Бүгүн 24-январда саат 13:09да Тажикстанда болгон жер титирөө Кыргызстандын айрым аймактарында да сезилди. Кыргызстандын Сейсмология институтунун маалыматына караганда, жердин силкинүүсү Ош облусунун Чоң-Алай районунун Карамык, Кара-Тейит айылдарында 4 балл, Баткен облусунун Баткен шаарында 3 балл, Кызыл-Кыя шаарында 2,5 баллга чейин сезилди. Баштапкы маалымат боюнча, жер титирөөдөн эч ким жабыркап, эч нерсе кыйраган жок. (RK)

Кыргызстандын кыз-келин режиссёрлорунун кезектеги кинофорумуна эмгектерди кабыл алуу башталды. Бул тууралуу «Азаттык» радиосуна форумду уюштуруп жаткан «Азиянын чыгармачыл айымдары» коомдук фондунун жетекчиси, режиссер Асел Жураева билдирди: - Азыр финансылык колдоо да издеп жатабыз. Буюрса апрель айында өткөрөлү деп чечтик. Максат – биздин режиссёр айымдарды тааныштыруу жана алардын фильмдерин чоң экрандан көрсөтүү, чет мамлекеттердин фестивалдарына чыгаруунун жолдорун, темаларын, көйгөйлөрүн талкуулоо. Читать дальше...

Коррупцияны кабыл алуу индекси боюнча Кыргызстан 180 өлкөнүн арасынан 126-орунга жайгашты. Былтыр өлкө 132-орунда болчу. Эл аралык «Transparency International» уюму Кыргызстандагы бюрократия, саясий жемкорлук, трайбализм экономикалык өнүгүүгө жолтоо болуп жатканын белгилейт.

Багдаддын эки районунда АКШнын аскердик күчтөрүнүн Иракта турушуна каршылык билдиргендер жүрүшкө чыгышты. «Ал-Хуррия» аянтына жана Багдаддын башкы университетинин жанында чогулган миңдеген адамдар Ирактын желектерин булгалашып, АКШга каршы ураан чакырып жатышат. Күбөлөрдүн айтымында, жүрүшкө чыккандарды Иран колдогон шиит аскердик кошуундардын өкүлдөрү кайтарып турушат. Багдаддын элчиликтер жайгашкан «Жашыл аймагына» кире турган башкы жолдорду Ирактын коопсуздук күчтөрү көзөмөлдөп жатат. 24-январдагы... Читать дальше...

Кыргызстан социал-демократиялык партиясынын (КСДП) жетекчиси катары катталган Сагынбек Абдрахманов аны колдобогон мүчөлөрдүн 2019-жылдын 6-апрелинде өткөргөн съездин мыйзамсыз деп таануу тууралуу арызы менен сотко кайрадан кайрылат. Бул тууралуу Абдрахманов «Азаттыкка» билдирди. Анын айтымында, жети ай мурда берилген арызды Бишкектин Биринчи май райондук соту 24-январда карамак, бирок арызды жазып тапшыруу эрежелери сакталбагандыктан, мамлекеттик төлөм тууралуу кагаздар жана дарек туура эмес көрсөтүлгөндүктөн  аны кароодон баш тартып койду. Читать дальше...

Баткенде күйөөсүнүн токмогунан качып, үйдөн дайынсыз кеткен келин алты күндөн кийин табылды.

Кошмо Штаттардын президенти Дональд Трамп Жакынкы Чыгыш боюнча көптөн бери күтүлүп жаткан тынчтык планын жакынкы күндөрү жарыялайт. Бул тууралуу Трамп 23-январда Швейцариядан АКШга учуп баратканда журналисттерге билдирди. Анын айтымында, бул пландын чоо-жайы Израилдин премьер-министри Биньямин Нетаньяху менен 28-январда Вашингтондо боло турганын жолугушуусунун алдында белгилүү болот. - Бул мыкты план. Чындап иштей турган план, - деди Трамп. Бирок Палестинанын лидерлери бул жарыяны айыптап чыгышты. Читать дальше...

Америка Кошмо Штаттарынын жарандык жана иммиграция кызматы ирандыктарга ишкердик визасын берүү жокко чыгарылганын билдирди.