Новости за 04.02.2020

«Айым» деген сөз илгертен эле өлкөбүздүн түндүк аймагына караганда түштүк аймагында көбүрөөк колдонулуп келгендиги белгилүү.

Райондун Ак-Суу айыл аймагынын Аксай айылынын 25 жаштагы тургуну Алтынкыз Таалайбек кызы 3-февралда үч эм төрөдү. Бул тууралуу «Азаттыкка» район акиминин орун басары Дамира Абдылдаева билдирди. «Үч эм Таш-Көмүр шаардык ооруканасынын төрөт бөлүмүндө төрөлдү. 1550, 1800 жана 1900 грамм салмактагы ымыркайлардын үчөө тең кыз. Эненин да, наристелердин да абалы жакшы. Бул үй-бүлө буга чейин бир уулду, бир кызды тарбиялап жаткан», - деди Абдылдаева. Кыздарга Айкөл, Көйкөл, Сайкал деген ысымдар коюлду. Читать дальше...

Алыш күрөшү боюнча дүйнө чемпиону Мээрим Момунова аталган спорт түрүнүн эрежелери жана кармаш учурунда кийиле турган кийимдер кыз-келиндер үчүн да абдан ыңгайлуу экенин айтты.

5-февралда түнкүсүн Ысык-Көл облусунун кээ бир райондорунда жана Чүй облусунун тоолуу райондорунда бир аз кар жаайт, калган аймактарда күн ачык болот. Күндүз жалпы өлкө аймагында жаан-чачын жаабайт. Жолдор тайгак жана тоңголок болот. Абанын температурасы: Чүй өрөөнүндө түнкүсүн -1…-6, күндүз 5…10; Суусамыр өрөөнүндө түнкүсүн -21…-26, күндүз -12…-17; Талас облусунда түнкүсүн -2…-7, күндүз 4…9; Баткен, Ош, Жалал-Абад облустарында түнкүсүн 0…-5, күндүз 6…11; Ысык-Көл облусунда түнкүсүн -4…-9... Читать дальше...

Гонконгдо коронавирустан каза болгон алгачкы адам катталды жана илдеттен каза болгондордун саны 427ге жетти.

Кыргызстанда аялдар үчүн расмий тыюу салынган 400дөн ашуун кесип бар. Бир катар коомдук уюмдар "бул чектөөлөр жоюлсун" деп талап кылышууда. Өкмөт атайын комиссия түзүп, анын жыйынтыгын күтүп жатат. “Эже-сиңдилер” берүүсүндө бул жолу аялдарга тыюу салынган кесиптер, иштер тууралуу баарлаштык.

АКШнын мамлекеттик катчысы Майк Помпео Өзбекстанда укуктук реформаны ишке ашырууга жана билим берүүнү өркүндөтүүгө 30 миллион доллар бөлдү.

Ала-Бука районунун Көк-Серек айыл өкмөтүнүн Таш-Арык айылында Өзбекстан менен чектеш аймактагы суу талаш жана көчөнү жарыктандыруу маселелери чечиле элек. Райондун акими Эмилбек Абдыкадыров «Азаттыкка» билдиргендей, өзбек тарап менен бүгүнкүгө белгиленген эки тараптуу жолугушуу белгисиз мөөнөткө жылдырылды. «Таш-Арык айылындагы көчөнү жарыктандырыш үчүн электр мамычалары орнотулуп, ага электр линиясын тартууга өзбек тарап каршылык көрсөтүп жатат. Анткени өзбек тарап 10 мамычаны 2 метр артка жылдырууну талап кылып жатат. Читать дальше...

Кыргызстандын GIMNILI, «Маңыз», «Balary», «Kyrgyz Honey» жана «Nocturne» компанияларынын өкүлдөрү ушул тапта Доха шаарында өтүп жаткан эл аралык «Сук Вакиф 2020» бал көргөзмө-жармаңкесине катышып жатышат. Бул маалыматты Кыргызстандын Катардагы элчилиги таратты. Көргөзмөнү Катардын Соода жана өнөр жай министрлиги менен Муниципалитеттер жана айлана-чөйрө министрлиги уюштуруп, ага дүйнөнүн 37 өлкөсүнөн келген 150 компания катышууда.  Кыргызстандык өндүрүшчүлөрдүн бул иш-чарага катышуусуна Катардагы элчилик көмөктөшкөн. Читать дальше...

Февраль айынын аягында Түркмөнстанда өтө турган футзал боюнча Азия чемпионаты белгисиз мөөнөткө жылдырылды. Бул тууралуу Кыргызстандын Футбол федерациясы маалымдады. Азия чемпионатынын финалдык бөлүгүнө Кыргызстан да жолдомо алган. Кыргыз футзалчылары «В» тайпасында Кувейт, Ливан жана Жапония менен ойнойт. Чемпионат Түркмөнстандын борбору Ашхабад шаарында 26-февралда башталып, 8-мартта жыйынтыкталмак. Жалпысынан чемпионатка 16 өлкө катышат. Алардын арасында коркунучтуу вирус каптап жаткан Кытай да бар. Читать дальше...

Мунай экспорттоочу мамлекеттердин уюму (ОПЕК) өндүрүш көлөмүн суткасына жарым миллион баррелге чейин кыскартуу маселесин караштырууда.

3-февралда саат 15:20 чамасында Нарын шаарында жолдон өтүп бараткан кызды «Фольксваген-венто» үлгүсүндөгү автоунаасы сүзгөн. Кыз оор жаракат алып, шаардык оорукананын жандандыруу бөлүмүнө жеткирилген. Бирок көп өтпөй кыз набыт болгон. Бул тууралуу «Азаттыкка» облустук ички иштер башкармалыгынын басма сөз катчысы Кундуз Эсенгулова маалымдады. Жыл башынан бери Нарын облусунда сегиз жол кырсыгы катталып, 14 киши жабыркаган. Анын экөө өспүрүм балдар. Киши өлүмү алгачкы жолу катталууда. (MiK/ZKo)

Учурда тергөө абагында кармалып турушкан Равшан Жээнбековдун, Канат Сагынбаевдин, Мээрбек Мискенбаевдин, Фаркат Баабиевдин, Карыпбек уулу Рысбектин жана Фарид Ниязовдун коомчулукка кайрылуусу 4-февралда жарыяланды. Алар бийлик, сот жана укук коргоо органдарынан болуп көрбөгөндөй кысым көрүп жатышканын билдиришкен. Кайрылууда «Кой-Таш окуясына байланыштуу жасалма кылмыш иши боюнча жоопко тартылып жаткан саясатчыларга, мурдагы президент Алмазбек Атамбаевдин тарапташтарына кысым болуп жатат. Бийликке... Читать дальше...

Жалал-Абад шаарындагы убактылуу кармоочу жайда кылмышка шектүү асынып алганына байланыштуу Жазык кодексинин 331-беренесине («Шалаакылык») ылайык кылмыш иши козголду. Бул тууралуу «Азаттыкка» «Акыйкаттык» - «Справедливость» укук коргоо уюму билдирди. Бул багытта уюм окуяны териштирүү максатында облустук прокуратурага кайрылган. Учурда козголгон ишти УКМКнын облустук башкармалыгы териштирип жатат. Ушул жылдын 14-январында убактылуу кармоочу жайдагы 43 жаштагы кылмышка шектүү асынып алган. Сөөккө... Читать дальше...

Штаб коронавирустун жайылышына байланыштуу түзүлгөн. Кытайда жүргөн кыргызстандыктардан күнү-түнү телефон аркылуу билдирүүлөрдү жана кайрылууларды кабыл алат. Ошондой эле алардын жакындарына да маалымат берилет. Тышкы иштер министрлиги Кытайдан Кыргызстандын жарандарын алып чыгуунун түрдүү мүмкүнчүлүктөрүн караштырып жатканын билдирди. Буга байланыштуу министрлик Кытайдагы кыргызстандыктардын турган жери тууралуу маалыматты элчиликке берүүнү өтүнгөн.  Мындан тышкары мекеме Кытайдагы жогорку окуу... Читать дальше...

Сузак районунун Октябрь айылында ур-токмоктон каза болгону айтылган эки жашар баланын атасы мында кылмыштын курамы жок экенин айтып, ички иштер органдарына кайрылды. Милициянын маалыматына караганда район тургуну уулу ур-токмоктун айынан каза болгон деген версияларды четке кагууда. - Бирок ага карабай факты боюнча козголгон сотко чейинки өндүрүш иши улантылып, соттук-медициналык экспертиза жүргүзүлүп жатат. Мында атасы арыз менен кайрылган эмес, ал тосмо арыз жазып берген учурда да иш акырына чейин тергелет... Читать дальше...

Кытайда коронавирус жугузган кишилердин жалпы саны 17 миңге жетти. Анын ичинен 361 адам каза болду.

Ош облустук капиталдык курулуш башкармалыгы 2019-жылы 32 социалдык мекеменин курулушун бүтүрүүнү көздөгөн болсо, жыл аягына 27 объект пайдаланууга берилген. Бул тууралуу «Азаттыкка» башкармалыктын басма сөз кызматы билдирди. Анын маалыматына ылайык, облустун Алай, Араван, Кара-Суу, Кара-Кулжа, Ноокат жана Өзгөн райондорунда 9 мектеп, беш спорт зал курулуп, пайдаланууга берилген. Мындан тышкары Ош шаарында Кытай мамлекетинин гранттык акчасына курулган оорукана, Алай, Араван, Өзгөн райондорундагы таза суу менен камсыз кылуучу төрт объект бар. Читать дальше...

Кытайдын тышкы иштер министрлигинин басма сөз катчысы кечээ, дүйшөмбү күнү өлкөдө коронавируска чалдыккан чет өлкөлүк жарандардын саны бери дегенде 16 адамга жеткенин билдирди.

Премьер-министр Мухаммедкалый Абылгазиев Жогорку Кеңештин Конституциялык мыйзамдуулук, мамлекеттик түзүлүш жана сот-укуктук маселелер комитетине вице-премьер-министрлик кызматка Эркин Асрандиевдин талапкерлигин карап көрүүнү сунуш кылды. Өкмөт башчы Асрандиев өкмөттүн финансы-экономикалык маселелерине толугу менен жооп берерин, муну менен биринчи вице-премьер-министр Жеңиш Разаковго жүктөлгөн милдеттердин бир бөлүгү алынарын билдирди.  Анын айтымында, Разаков чек ара маселелерин чечүүгө көңүл бурат... Читать дальше...

Тегеранда Европа Биримдигинин тышкы саясат боюнча жогорку өкүлү менен Ирандын тышкы иштер министри жолугушту.

Өкмөт башчы Мухаммедкалый Абылгазиевдин бул сунушу Жогорку Кеңештин Конституциялык мыйзамдуулук, мамлекеттик түзүлүш жана сот-укуктук маселелер комитетинин кароосуна жиберилген. Премьер-министрдин маалыматына караганда, Замирбек Аскаров вице-премьер-министрлик кызматынан кетүү тууралуу арызын президенттин атына 3-февралда жазган. Замирбек Аскаров 2018-жылдан тартып вице-премьер-министр кызматын ээлеп келген. Ага чейин Ош шаарынын биринчи вице-мэри болуп иштеген. Мурунку өзгөчө кырдаалдар министри... Читать дальше...

Коопсуздук кеңешинин коррупцияга каршы мамлекеттик саясат стратегиясын ишке ашырууну көзөмөлдөө боюнча жумушчу тобунун жыйынында «Унаа» мамлекеттик мекемесинин директору Алымжан Козубаевди кызматынан бошотуу сунушталды.

Беттештерди өткөрүү сунушу менен Хабибдин агентине саударавиялык миллиардерлер кайрылган. Алардын эки мелдеш тең Сауд Аравиянын борбору Эр-Рияд шаарында өтүшү керек деген талабы бар.

Профессионалдык бокс боюнча турнир 7-мартта Екатеринбургда болот. Анда Сулайманбек уулу россиялык Марк Урванов менен 12 раунддук кармаш өткөрөт.