Новости за 23.10.2020

Кыргызстанда парламенттик шайлоого байланыштуу толкундоолор президент баштаган адамдардын бийликтен кетиши менен жыйынтыкталды. Убактылуу өкмөт дайындалып, мамлекеттик жогорку кызматтарга жаңы адамдар келди. Бирок коомчулукта “кайра эле эски саясатчылар бийликти ээлеп алып, жаштардын ой-максаты уурдалды” деген сын-пикирлер күч. Жаштар алдыда кандай өзгөрүүлөрдү күтөт, алар алдыдагы парламенттик шайлоого катышабы?

Орусиянын президенти Владимир Путин Кыргызстандагы жагдай боюнча экинчи жолу билдирүү жасап, Бишкектеги окуяларга «кыргыз элинин шору» деп комментарий берди. Мурдараак президенттин милдетин аткаруучу Садыр Жапаров Орусия Кыргызстандын стратегиялык өнөктөшү катары кала берерин айткан эле. Бул күндөрү кыргыз дипломаты атайын сүйлөшүү үчүн Москвага барды. Кремлдин көз карашы Владимир Путин Кыргызстандагы окуяларга байланыштуу көз карашын бул жолу Орусиядагы «Валдай» (Valdai Discussion Club) эл... Читать дальше...

Ливиядагы жаңжалдашкан тараптар ок атышууну өлкөнүн бардык аймагында токтотуу тууралуу макулдашууга кол коюшту. Бириккен Улуттар Уюму арачылык кылган мындай мунаса 23-октябрда Женевада беш күнгө созулган сүйлөшүүлөрдөн кийин табылды. Бул макулдашууга улай ноябрь айынан башында коңшу Тунисте бирдиктүү өкмөт түзүү жана улуттук шайлоо өткөрүү маселеси боюнча саясий сүйлөшүүлөр өтмөкчү. БУУ Ливиянын эл аралык коомчулук тааныган өкмөтүнүн жана генерал Халифа Хафтардын "Ливиянын улуттук армиясынын" ортосундагы соңку макулдашууну кубаттады. Читать дальше...

Жогорку Кеңештин кайра шайлоосуна катышуу ниетин 25 партия билдирди. Бул тууралуу 23-октябрда Борбордук шайлоо комиссиясы маалымдады. “2020-жылдын 23-октябрында Кыргыз Республикасынын Шайлоо жана референдум ѳткѳрүү боюнча борбордук комиссиясына 2020-жылдын 20-декабрына дайындалган Кыргыз Республикасынын Жогорку Кеңешинин депутаттарын кайра шайлоого катышуу ниетин билдирген 25 саясий партиядан билдирме келип түштү”, - деп жазылган Башкы шайлоо мекемесинин расмий сайтында. Борбордук шайлоо комиссиясынын... Читать дальше...

“Бүтүн Кыргызстан” партиясынын лидери Адахан Мадумаров "Азаттык" үчүн курган маегинде Кыргызстандын Жогорку Кеңешинин чукул конституциялык реформа жүргүзүү үчүн референдумга баруу тууралуу кадамын мыйзамсыз деп кескин сынга алды.

«Human Rights Watch» эл аралык укук коргоо уюму (HRW) Азербайжанды «Тоолуу Карабактагы кагылышууда тыюу салынган ок-дарыларды кайра-кайра колдонду» деп айыптады. Баш кеңсеси Нью-Йоркто жайгашкан уюм мындай билдирүүсүн 23-октябрда таратты. Анда азери тарап Тоолуу Карабакта жерге түшкөндө майда бөлүктөрдү эки жакка чачырата турган кластер бомбаларын төрт жолу колдонгону белгиленген. Уюм бул маалымат жеринде жүргүзүлгөн иликтөөлөргө негизделгенин билдирди. Азербайжан да, Армения да кластер бомбаларын колдонушпаганын билдирип... Читать дальше...

22-октябрдын кечинде Ооганстандын түштүк-батышындагы Нимроз провинциясында «Талибан» кыймылынын жоочулары коопсуздук кызматкерлеринин бекетине кол салып, андан бери дегенде 23 ооган аскеринин өмүрү кыйылды. Жергиликтүү губернатордун басма сөз катчысы Бахрам Хакмал билдиргендей, Хашруд районундагы түнкү чабуулдан кийин талибдер бир нече адамды барымтага алган бойдон из жашырып кетишкен. «Талибан» кыймылы бул окуя боюнча жоопкерчиликти өз мойнуна алды. Жергиликтүү бийлик Ооганстандын аба күчтөрү... Читать дальше...

“Дордой” базарындагы соодагерлер салык төлөөдөн баш тарта турганын айта баштады. Себеби ишкерлердин көпчүлүгү эки-үч айдан бери Кытайдан товарын алып келе албай жатат. Алар кыргыз өкмөтү кошуна өлкө менен сүйлөшүүдө чабалдык кылып жатканын, анын айынан сатуучулардын алды банкрот абалына кептелгенин билдиришти. Мамлекеттик бажы кызматы чек арадагы чектөөлөргө коронавирус пандемиясын күнөөлөп жатышат.

Кыргызстандын Конституциясы онунчу жолу өзгөртүлгөнү турат. Ага жол ачкан мыйзам долбоорун Жогорку Кеңеш кабыл алып, президенттин милдетин аткаруучу Садыр Жапаров кол койду. Айрым депутаттар, юристтер Жапаров баштаган саясий күчтөр Баш мыйзамды өзгөртүп президенттин бийлигин күчөткөнү жатканын эскертишүүдө. Бул коомчулукта бийликти узурпациялоо катары кабыл алынды. Кыргызстан парламенттик шайлоодон кийинки саясий кризистен акырындап чыгып, мыйзам алкагына кайтып калган кезде конституциялык реформа маселеси көтөрүлдү. Читать дальше...

Жогорку Кеңеш парламенттик шайлоонун мөөнөтүн жылдырып, конституциялык реформа баштаганы турат. Депутаттар мындай чечимди чагылгандай тез кабыл алышты. Учурдагы бийлик өлкөдөгү кырдаалды жөнгө салуу жана реформаларга шарт түзүү үчүн Конституцияны өзгөртүүгө барып жатканын тушүндүрсө, бир катар саясий күчтөр "бийлик узурпациясы" деп баалап жатышат. Соңку кабыл алынган саясий чечимдер Кыргызстанды кайда алып барат?

Кыргызстандын тышкы иштер министри Руслан Казакбаевге Москвадагы сапарында журналисттер Атамбаевге кепилдик берүү тууралуу суроо узатышты. Орусиянын тышкы иштер министри Сергей Лавров менен биргелешкен басма сөз жыйынында «Россия 24» телеканалынын журналисти: «Өлкөнүн мурдагы жетекчилигине жана Атамбаевге кепилдик каралабы?» - деген өңүттө суроо узатты. «Анын баары Кыргызстандын мыйзамдарына жараша чечилет. Эгер экс-жетекчи макамы берилген болсо, анда кепилдиктер жана жеңилдиктер берилет»,- деди Казакбаев. Читать дальше...

АКШда экинчи кызматтык мөөнөттү көздөгөн президент Дональд Трамп менен анын саясий атаандашы, Демократиялык партиядан талапкер болгон Жо Байден соңку теледебатка катышты.

Кыргызстандын Ысык-Көл облусуна караштуу  Түп районундагы Бирлик айылынын тургуну Дүйшө Молдакунов небереси, 8-класстын окуучусу өз жанын кыйганга аракет кылган жеринен кармап калганын айтты. Маалыматты облустук милициянын басма сөз катчысы Сталбек Усубакунов тастыктап, бала мал сарайга кирип асынып алганын билдирди. Азыр окуучу Түп райондук оорукансында жандандыруу бөлүмүндө жатат. Баштапкы маалыматтарга караганда, ага 9-класста окуган бала «салык салган». Окуучу айласы кеткенде жанын кыюуга аракеттенген. Читать дальше...

Москвадагы басма сөз жыйынында Кыргызстандын тышкы иштер министри Руслан Казакбаев менен журналисттин ортосунда болгон кыргыз тилиндеги суроо-жооп орусиялык кесиптеши Сергей Лавровго жаккан жок. Казакбаев «Ала-Тоо-24» телеканалынын журналистинин суроосуна кыргыз тилинде жооп берип жатканда: «Кечириңиз, сиз үй ээсин сыйлап коюшуңуз керек го ээ? Бардык маанисинде...», - деди Лавров. 23-октябрда Москвада Орусиянын жана Кыргызстандын тышкы иштер министрлери Сергей Лавров менен Руслан Казакбаев журналисттер үчүн жыйын куруп... Читать дальше...

Кытайдан товар ташыган кыргызстандык ишкерлердин бизнеси токтоп, оор абалга түшүп, мамлекетке салык төлөй албай турушат. Бул тууралуу 23-октябрда «Ала-Арча» мамлекеттик резиденциясында өткөн өкмөткө караштуу Бизнести өнүктүрүү жана инвестициялар боюнча кеңештин жыйынында «Дордой» комплексинин кесиптик кошуунунун башчысы Дамира Дөөлөталиева билдирди. Ал кыргыз-кытай чек арасындагы «Торугарт» жана «Эркечтам» өткөрмө бекеттериндеги абалга токтолуп, бир күндө 300 автоунаа өтчү бекеттен азыр бештен ашыгыраагы гана өтүп жатканын айтты. Читать дальше...

Евразия фонду Кыргызстандын бюджетин колдоо үчүн убада берген 100 миллион долларды берет. Бул тууралуу Орусиянын тышкы иштер министри Сергей Лавров Кыргызстандын тышкы иштер министри Руслан Казакбаев менен Москвадагы жолугушуусунан соң өткөргөн басма сөз жыйынында айтты: «Евразия фондунун Кыргызстанга 100 млн. доллар жеңилдетилген насыя берүү тууралуу чечими күчүндө, аны эч ким токтоткон эмес. Биз Кыргызстандын мурдагы өкмөтү менен болгон макулдашууларды, анын ичинде эң башкысы Турукташтыруу жана... Читать дальше...

Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу жылган болчу.

Чехиянын премьер-министри Андрей Бабиш карантин чараларын бузганы айтылган саламаттык сактоо министри Роман Примулага талап койду. Ал министр өз эрки менен кызматтан кетиши керек экенин, болбосо иштен алынарын эскертти. «Биздин медициналык кызматкерлер жарандарыбыздын өмүрүн сакташ үчүн жан үрөп жатканда мындай нерсе кечиримсиз», - деди Бабиш. Мунун алдында Роман Примула карантинге карабай Прагадагы ресторанга барганы тартылган сүрөт жарыяланып кеткен. «Blesk» гезити анда Примула премьер-министр... Читать дальше...

Ош шаардык ички иштер башкармалыгы жубайынын өлүмү үчүн шек саналган эркекти кармады. Ал Бишкекке качып кеткен жеринен колго түшкөнүн шаардык милициянын басма сөз кызматы «Азаттыкка» билдирди. Баштапкы маалыматка ылайык, ал 29 жаштагы келинчегин көгала кылып сабаган. Жети айлык боюнда бар келин эки күн үйдө жатып, 22-октябрда үзүлгөн. Маркумдун апасы да кылмышка шектүү жарандан катуу токмок жегенин айткан. Ал ооруканада жатат. Кармалган эркек кызганычтан улам аялын сабаганын айткан. Алар жарандык никеде жашашкан. Читать дальше...

Кыргызстандын мамлекеттик казынасында абал начар. Бул тууралуу 23-октябрда президенттин милдетин аткаруучу, премьер-министр Садыр Жапаров Инвестициялык кеңеште сүйлөп жатып билдирди: «Бюджеттин тартыштыгы 28 миллиард сом менен кабыл алынган, бирок мага келген маалыматка караганда, реалдуу картина андан да начар. Жакын арада бюджетибиз боюнча реалдуу жана чыныгы маалыматтарды ачыкка чыгарабыз. Ачык айтсам, жагдайыбыз жакшы эмес». Финансы министрлиги бюджеттин тартыштыгы 34 миллиард сомго чыгарын божомолдоп жатканын буга чейин маалымдаган. Читать дальше...

Спортчулар 24-октябрда UFC 254 мелдешинде жекеме-жеке чыгышат. Марада Нурмагомедов ээлик кылган промоушендин жеңил салмактагы чемпиондук куру турат.

Орусиянын эмгек рыногунда жумушчу күчтүн жетишсиздиги байкала баштады.

Грузиянын мамлекет жана укук институтунун профессору, эл аралык эксперттердин курамында Кыргызстанда бир нече изилдөө жүргүзгөн Георгий Глонти менен маек.

Келерки жылдын март айынан тартып Кыргызстандын бийлиги жаңы система менен иштей баштайт жана өкмөт зарыл болсо өзүнө караштуу жерлерди ишкерлерге бекер берүүгө, аларды салыктардан бошотууга даяр. Мындай пикирин президенттин милдетин аткаруучу, премьер-министр Садыр Жапаров өкмөткө караштуу Бизнести өнүктүрүү жана инвестициялар боюнча кеңештин 23-октябрдагы отурумунда билдирди. Жапаров Кыргызстандагы азыркы абал тууралуу айтып, өлкөнүн ичинде туруктуулукту бузууга аракет кылган күчтөр болуп жатканын, аларга жол берилбей турганын белгиледи. Читать дальше...

АКШда экинчи мөөнөткө шайланып келүүнү көздөп турган президент Дональд Трамп менен анын саясий атаандашы, Демократиялык партиянын талапкери, мурдагы вице-президент Жо Байден акыркы теледебатка катышты. Бейшембиде Нашвилл шаарындагы Белмонт университетинин залында уюштурулган, президенттикке талапкерлердин 90 мүнөттүк дебаты биринчисине салыштырмалуу ирээттүү өттү. Соңку сурамжылоолорго ылайык, бир катар көрсөткүчтөр боюнча саясий атаандашынан артта келе жаткан Трамп дебатта коронавирус пандемиясына каршы күрөш чараларын жактады. Читать дальше...