Новости за 16.01.2023

Майлуу-Сууда иштебей жаткан отказандардын бири бүгүн 16-январда кайрадан пайдаланууга берилгенин энергетика министринин орун басары Мирлан Жакыпов билдирди: “Бүгүн эртең менен саат беште №1 отказан жылуулугун бере баштады. №3 жана №4 отказандарга суу келе элек. Ошол жерде жумуштар уланууда”. Сууктан улам суу өтүүчү түтүктөр тоңуп, жылуулук берүү системасы иштебей калганына байланыштуу Майлуу-Суу шаарында өзгөчө кырдаал жарыяланганын 13-январда Өзгөчө кырдаалдар министрлиги (ӨКМ) билдирген. Мекеменин маалыматына караганда... Читать дальше...

Чүйдө жети жашар кыз ооруканада каза болгон окуянын чоо-жайы териштирилип жатат. Бул тууралуу бүгүн, 16-январда “Азаттык” радиосуна облустук милициянын басма сөз кызматынын өкүлү Замир Сыдыков билдирди. Анын айтымында, окуя 14-январда Кара-Балтадагы ооруканада болгон, 2016-жылы туулган наристеге дем алуу органдарына байланыштуу диагноз коюлган: “Бронхопневмония, дем алуу кемтиги деген диагноз коюлган. Бул боюнча Жайыл райондук ички иштер башкармалыгында териштирүү башталды, соттук-медициналык экспертиза дайындалды”. Читать дальше...

Ички иштер министрлиги уюшкан кылмыштуу топтор менен күрөшүү боюнча жаңы мыйзам долбоорун даярдап жатат. Бул тууралуу ички иштер министринин орун басары Нурбек Абдиев 16-январда Бишкекте өткөн маалымат жыйында билдирди. Анын айтымында, мыйзам долбоору жакында даярдалып бүтүп, Жогорку Кеңештин кароосуна жөнөтүлөт. Анда уюшкан кылмыштуу топтордун мүчөлөрүнүн жоопкерчилиги күчөтүлөт, ырайым берилбейт жана бир катар өзгөрүүлөр болот. Абдиев долбоор парламентке качан жиберилип, коомдук талкууга коюлары тууралуу толук маалымат берген жок. Читать дальше...

Кылмыштуу топтордун мүчөлөрү баңгизаттарды сатуу, каракчылык, уруп-тоноо, мыйзамсыз ишкердик чөйрөсүнөн пайда табуу үчүн таасир талашып, бири-бири менен кагылышып, кылмыштуулукка барууда. Бул тууралуу ички иштер министринин орун басары Нурбек Абдиев 16-январдагы маалымат жыйында билдирди. Ал министрликте "айрым ишкерлер, саясатчылар уюшкан кылмыштуу топтун мүчөлөрү менен мамиледе болуп, аларды каржылап, чогуу ишкердик жүргүзүп жаткан тууралуу маалымат бар" деп айтты. Бирок алардын ысымдарын атаган жок... Читать дальше...

Кыргызстанда өткөн аптадагы эң суук күндөрдө энергетика тармагында ири авария катталган жок, жарыкты атайылап өчүрүү болгон жок. Бул тууралуу 16-январда Бишкекте өткөн маалымат жыйында “Улуттук энергохолдинг” ишканасынын төрагасы Таалайбек Байгазиев билдирди. Анын айтымында, электр энергиясын керектөө көбөйгөндүктөн,  Токтогул суу сактагычындагы суунун сарпталышы да жогорку көрсөткүчтөргө жетип жатты: “Бишкек жылуулук борборунун кубаттуулугу ушул күндөрү 350 мегаватт болуп келе жатат – бул туруктуу деп эсептелет. Читать дальше...

Каракол шаары 1869-жылы негизделип, 1889-жылы орустун саякатчы-натуралисти Николай Пржевальскийдин аты ыйгарылган. 1922-жылы шаарга мурдагы аты Каракол кайтарылып, кийинчерээк кайра эле Пржевальский деп аталып калган. Кыргызстан өз алдынча мамлекет болгондон кийин мурдагы Каракол аты шаарга кайтырылган. Учурда Каракол Ысык-Көл облусунун борбору болуп саналат.  "Азаттык" Каракол шаарынын 1960-1990-жылдар аралыгында тартылган архивдик жана азыркы сүрөттөрүн топтоду. Шаар өзү өзгөрүүгө дуушар болгону менен... Читать дальше...

2022-жылы ар кандай кылмыштуулук боюнча уюшкан кылмыштуу топтун 153 мүчөсү кармалган. Бул тууралуу ички иштер министринин орун басары Нурбек Абдиев 16-январда Бишкекте өткөн маалымат жыйында билдирди. Анын айтымында, уюшкан кылмыштуу топтун издөөдө жүргөн тогуз мүчөсү кармалган. Жалпы кармалгандардын 17синин криминалдык чөйрөдө өзгөчө статусу бар. Ички иштер министрлигинин каттоосунда уюшкан кылмыштуу топтун 1199 мүчөсү турат. "Былтыр ишкерлерге жасаган кылмышы үчүн кылмыштуу топтун төрт мүчөсү кармалган. Читать дальше...

Бишкекте 17-январдан 2-февралга чейин сүрөтчү, архитектор Шайлоо Жекшенбаевдин "Түтүн" аттуу көргөзмөсү Гапар Айтиев атындагы кыргыз улуттук көркөм сүрөт искусство музейинде өтөт. Бул тууралуу "Азаттыкка" уюштуруучулар кабарлашты. Көргөзмөдө автордун 80дей эмгеги коюлат. Анда Бишкекти каптаган кара түтүн, энергетикалык көйгөй, жаңы конуштардын инфратүзүмү, ички миграция чагылдырылган. Иш-чараны Эл аралык миграция уюму, Unison Group уюштурууда. Бишкек ноябрь айынан бери дүйнөдөгү абасы булганыч шаарлардын сап башынан түшпөй келатат. Читать дальше...

Кытайдын Шинжаң провинциясынын миллиондон ашуун тургуну, көбү түрк тектүү мусулмандар 2016-жылдан тартып лагерлерге мажбурлап жайгаштырылып келген. Мындай лагерлердин биринде кармалып чыккан казак улутундагы Жанаргүл Жуматай эл аралык коомчулукка жардам сурап кайрылды. Ал 47 жашта. Үрүмчү шаарында жашаган Жанаргүл кесиби боюнча журналист жана музыкант. Өткөн аптада жергиликтүү коопсуздук кызматтарынын кысымы жөнүндө ачык айтып чыкты. Жанаргүл өзүнүн аянычтуу тагдырына эл аралык коомчулук көңул буруп... Читать дальше...

Майлуу-Суунун мэри Нурланбек Умаров шаар бир күн ичинде таза суу менен толук камсыз болорун 16-январда "Азаттыкка" билдирди. Анын айтымында, суу топтолгон жайдан шаарга чейинки түтүктөрдөгү муз дээрлик эритилип, ортодо бир чакырымдай жери калды. Азыр жашоочуларга таза суу автоунаалар менен ташылып, жадыбал менен берилип жатат. Умаров жылуулук берүү да калыбына келтирилип жатканын билдирди. "№1 отказанга суу туруктуу келип, жылуулук кечээ (15-январь) бериле баштады. Бул отказанда 1234 абонент бар. Читать дальше...

Майлуу-Суу шаарынын бир нече жашоочусу президент Садыр Жапаровго жана Улуттук коопсуздук боюнча мамлекеттик комитеттин төрагасы Камчыбек Ташиевге кайрылды. 15-январда кечинде интернетке жарыяланган видео кайрылууда алар жергиликтүү бийлик шаардагы жылуулук, таза суу менен камсыздоону калыбына келтирүү боюнча мамлекеттик телеканалдар аркылуу туура эмес маалымат берип жатканын айтышкан.   Аба ырайы кескин төмөндөй турганы алдын ала эскертилгенине карабай, ага алдын ала даярдык көрбөгөн жетекчилерге чара көрүүнү суранышкан. Читать дальше...

Ооганстан парламентинин таратылган төмөнкү палатасынын мурдагы  депутаты Кабулдагы үйүндө атып өлтүрүлгөнүн талибдердин расмий өкүлү ырастады. Кабул полициясынын өкүлү Халид Задрандын билдиришинче, 15-январда Мурсал Набидзаданы жан сакчысы менен бирге Кабулдун Ахмад Шах-Баба аймагындагы үйүнө куралчан адамдар кирип атып кетишкен. Окуяда Набидзаданын бир тууганы жаракат алган. Эл аралык коомчулук бул окуяны айыптап жатат. Азырынча кол салуу үчүн эч ким жоопкерчилик ала элек. 2021-жылдын жайында... Читать дальше...