Новости за 03.03.2023

“Тентек” анимациялык студиясы “Манас” эпосунун негизинде даярдалган мультсериалдын кезектеги бөлүгүн тартып бүттү. Чыгармачыл топ балдарга кыргыз тилиндеги мультфильмдерди тартуулоодон тышкары окуучулар үчүн пайдалуу долбоорлорду даярдоо менен алектенүүдө.

Жогорку Кеңештин төрагасы Нурланбек Шакиев 3-мартта АКШнын Кыргызстандагы элчиси Лесли Вигерини кабыл алды. Парламенттин басма сөз кызматы билдиргендей, жолугушууда эки өлкө ортосундагы саясий-экономикалык алакаларды арттыруу маселеси жана парламенттер аралык кызматташтыкты кеңейтүү тууралуу сөз болду. Төрага Кыргызстан Кошмо Штаттары менен конструктивдүү алакаларды арттырууга кызыкдар экенин белгилеп, парламенттер аралык байланышты чыңдоону сунуштады. “Акыркы жылдары пандемиядан улам солгундап... Читать дальше...

Өлкө башчысы Садыр Жапаров 3-мартта "Бир айыл - бир продукт" аталышындагы улуттук экономикалык долбоор тууралуу жарлыкка кол коюп, "Кыргызстанда жасалган" аттуу брендди түзүүнү Министрлер кабинетине тапшырды. "Долбоорго ылайык жергиликтүү ресурстардан сапаттуу продукция чыгаруу, бизнести башкаруу, маркетинг жана продукцияны сатуу үчүн мүмкүнчүлүктөрдү кеңейтүү, продукцияны жергиликтүү жана эл аралык рыноктордо жайылтып, жергиликтүү бренддерди түзүүнү жана продукциянын баалуулугун жогорулатуу пландалууда"... Читать дальше...

Орусиянын Өзгөчө кырдаалдар министрлигинин кызматкерлери Коломна шаарынын бир катар объектилерин текшерип, жардыруу аныкталбаганын билдиргенин жергиликтүү басылмаларга таянып "Свобода" радиосу жазды. Укук коргоо органдары жардыруулар асманда болгонун, сөз учкучсуз учактар жөнүндө болушу мүмкүн экенин ТАСС агенттигине билдирген. Бирок алардын калдыктары табылбаганын “Коммерсантъ” басылмасы жазды. 2-марттын кечинде жергиликтүү тургундар катуу жарылуунун добушу угулганын социалдык тармактарга жазган. Читать дальше...

3-марттан тарта 2023-жылдагы жалпы республикалык тестирлөөгө каттоо башталды. Бул тууралуу Билимди баалоо жана окутуу усулдары борборунан кабарлашты. Жалпы республикалык тестирлөөгө www.testing.kg сайты аркылуу же тестирлөө борборлоруна барып катталса болот. Каттоодон өтүү үчүн паспорт же туулгандыгы тууралуу күбөлүк, орто билими жөнүндө аттестаты (мурун окууну аяктагандар үчүн), ЖРТга каттоо акысы төлөгөнүн тастыктаган дүмүрчөк (квитанция), электрондук фотосүрөт керек. Каттоо акысы ар бир абитуриент... Читать дальше...

2-мартта 24.kg маалымат агенттигинин журналисти Анастасия Мокренко Улуттук коопсуздук боюнча мамлекеттик комитетине сурак берип чыкты. Бул тууралуу "Азаттыкка" аталган басылманын жооптуу редактору Махинур Ниязова маалымдады. "Аны кечээ УКМК 20-январда биздин агенттик жайгашкан Red Centre бизнес борборунда, шаардагы айрым мектептерде бомба коюлду деген каттан улам күбө катары суракка чакырды. 20-январда биздин электрондук почтага имаратка бомба коюлганы тууралуу кат келген. Суракка чакырылган журналист электрондук почтага жооптуу болчу. Читать дальше...

Next TV телеканалынын кызматкери Тилек Жуматаев Аламүдүн райондук ички иштер бөлүмүнө суракка чакырылганы кабарланды. Бул тууралуу телеканалдын башкы продюссери Дмитрий Ложников 3-мартта Фейсбуктагы баракчасына жазды. Анын айтымында, Жуматаев күбө катары чакырылган. Бирок суракка чакырылган себеби белгисиз. Бул “айып пулдардын кымбатташына байланыштуу мессенжерлер жана социалдык тармактардагы талкууга тиешеси болушу мүмкүн” деп жазды Ложников. "1-мартта Тилек үйүнүн тегерегинде аны аңдуулар болуп жатканын билген. Читать дальше...

2022-жылдын январь, февраль айында 35,9 млрд. сом салык жана камсыздандыруу төлөмдөрү чогултулду. Бул тууралуу Мамлекеттик салык кызматы маалымдады. Чогулган сумма мурдагы белгиленген пландан 455 млн. сомго ашык жана былтыркы жылдын ушул мезгилине салыштырмалуу 3,2 млрд. сомго көп деп билдирди салык кызматы. Каражаттын 26,5 млрд. сому салык, ал эми 9,5 млрд. жакын каражат камсыздандыруу төлөмдөрүнөн чогулган. Быйыл 1-январдан тартып Кыргызстанда жаңы салык мыйзамы күчүнө кирди. Кыргызстанда соода-сатык... Читать дальше...

Президент Садыр Жапаров жол эрежесин бузгандарга карата айып пулдардын жогорулашына байланыштуу комментарий берип, мындагы максат бюджетти толтуруу эмес экенин, бул жол кырсыктарын азайтуу чарасы болгонун айтты. Ал бул тууралуу “Кабар” мамлекеттик агенттигине 3-мартта берген маегинде билдирген. Президент келтирген маалыматка ылайык: 2020-жылы 6 миң 126 жол кырсыгы катталып, 754 адам каза болуп, 9 миң 227 адам майып болуп калган. 2021-жылы 7 миң 438 жол кырсыгы катталып, 869 адам каза болуп, 11 миң 370 адам майып болгон. Читать дальше...