Новости за 03.08.2023

12 жылдан бери токтоп турган Жыргалаң көмүр кени иштей баштады. Министрлер кабинетинин төрагасы Акылбек Жапаров Ысык-Көл облусуна болгон жумуш сапарынын алкагында көмүр кендин иши менен таанышты. Ал аталган көмүр кени Каракол шаарын жана ага жакын аймактарды кыш мезгилинде көмүр менен камсыз кыларын белгиледи. "Жыргалаң кенин ишке киргизүү менен Кара-Кече кениндеги күчтү кыскартууга, ошондой эле Кара-Кече кенинен Каракол шаарына жана ага жакын аймактарга көмүр ташууга багытталган каражатты үнөмдөөгө мүмкүнчүлүк түзүлөт", - деген Жапаров. Читать дальше...

Кыргызстандын Москвадагы элчилиги таксист болуп иштеген кыргызстандыктын сабалышына байланыштуу Орусиянын Тышкы иштер министрлигине нота жөнөттү. Бул тууралуу Кыргызстандын Тышкы иштер министрлиги бүгүн, 3-августта кабарлады. Маалыматка карганда, таксистке кол салуу окуясы 2023-жылдын 18-июлунда болгон. Жабыркаган адам элчиликке кайрылган эмес. "Видео социалдык тармактарга тарагандан баштап, элчилик жабыркаган жарандын тек-жайын тактоого жана аны издөө иштери башталган. Элчилик жабыркаган жаран менен байланышып... Читать дальше...

Жалал-Абад облусунун Сузак районунда сексуалдык кызмат көрсөтүүгө, баңгизат колдонууга ыңгайлашкан көмүскө жайды уюштурууга шек саналган 29 жаштагы аял кармалды. Облустук милициянын билдиришинче, ушул жылдын май айында Ош-Бишкек жолунда жайгашкан мейманканалардын биринде сексуалдык кызмат көрсөткөн, баңгизат жана психотроптук каражаттар колдонулган жай бар экени тууралуу маалымат түшкөн. Чогулган тергөө материалдарынын негизинде Кылмыш-жаза кодексинин 160-беренеси ("сойкулукка жана ыпластыкка көмөктөшүү”) беренеси менен кылмыш иши козголду.

"Альфа Телекомдун" мурдагы директору, коррупцияга шек саналып кармалган Азат Базаркулов үй камагына чыкты. Бул тууралуу Бишкектин Биринчи май райондук соту "Азаттыкка" кабарлады. Маалыматка караганда, райондук сот Базаркулов менен бирге ишкананын IT-технология боюнча департаментинин мурдагы жетекчиси Д.Б.Б. менен дагы бир өкүлү П.М.А.нын бөгөт чарасын 31-июнда караган. Аларды үй камагына чыгарууну Улуттук коопсуздук боюнча мамлекеттик комитеттин (УКМК) тергөөчүсү өтүнгөн. Аты аталган үч киши тергөөнүн жүрүшүндө 6 млн. Читать дальше...

Ысык-Көл облусунун Түп районундагы Байзак жана Кең-Суу айылдарында нөшөрлөп жааган жамгырдан улам сел жүрдү. Өзгөчө кырдаалдар министрлигинин билдиришинче, сел 2-августта кечки саат 7лер чамасында болгон. Кырсык катталган аймакка өзгөчө кырдаалдар министри Бообек Ажикеев барды.   Маалыматка ылайык, кыян Байзактагы 10, ал эми Кең-Сууда 8 үйдү каптаган. Дагы бир нече тамдын жер төлөсүнө суу кирген. Аталган министрлик кабарлагандай, 3-августта Жарандык коргонуу кызматтарынан комиссия түзүлдү. Читать дальше...

АКШда сот арачылары 2018-жылдын октябрында Пенсильвания штатындагы Питтсбург шаарында синагогага кол салган Роберт Бауэрсти өлүм жазасына кести. Кол салуудан 11 адам каза болуп, дагы алтоо жарадар болгон. Сот бул кылмышты жек көрүү менен атайын жасалган массалык адам өлтүрүү катары караган. Ок чыгарган учурда Бауэрс антисемиттик ураандарды айтып, бардык жөөттөрдү өлтүрүүгө чакырган. 2018-жылы 27-октябрда Питтсбургдагы "Өмүр дарагы" синагогасында кандуу окуя - АКШнын тарыхындагы эң көп кишинин... Читать дальше...