Новости за 09.04.2026

Бүгүн, 9-апрелде Бишкекте өтүп жаткан күрөш боюнча Азия чемпионатында кыргызстандык балбан кыз Мээрим Жуманазарова алтын медал тагынды. Жуманазарова кыз-келиндер күрөшүнөн 68 килограммга чейинки салмакта финалда жапониялык Мива Морикаваны 2:1 эсебинде жеңип, мындай сыймыкка татыды. Ал бул чемпионатта чейрек финалда вьетнамдык Тхи Линг Дангды (11:1), жарым финалда кытайлык Зелу Лини утуп, финалга чыккан. Бул күнү 76 килограммга чейинки салмакта Айпери Медет кызы финалда монголиялык Даваанасан Энкх Амарга жеңилип(2:4), күмүш байге алды. Читать дальше...

"Кылым шамы" уюму Кыргызстанда пикири үчүн камалгандардын ишин кайра кароого чакырды. Эгер Башкы прокуратура же Жогорку сот демилгени колдосо көмөктөшүүгө даяр экенин билдирди.

"Кылым шамы" укук коргоо борбору Кыргызстанда пикири үчүн камалгандардын ишин кайра кароого чакырды. Уюм канча адамды эркинен ажыраттырган сот өкүмүнө негиз болгон Улуттук илимдер академиясынын "эксперттеринин корутундусу" канчалык мыйзамдуу болгон деген маселеге көңүл бурду.

Чек ара кызматынын Оштогу "Эркечтам" бекетинде өмүрүнө кол салганы айтылган жоокердин абалы өтө оор деп бааланууда. Бул тууралуу Саламаттык сактоо министрлиги 9-апрелде билдирди. Израил Ливанга 10 мүнөттө 100 жолу сокку урду. "Кылым шамы" пикири үчүн камалгандардын ишин кайра кароого чакырды.

Президент Садыр Жапаров менен Улуттук коопсуздук боюнча мамлекеттик комитеттин мурдагы төрагасы Камчыбек Ташиевдин тандеминин ыдырашы, 75 адамдын кайрылуусу жана Кыргызстандагы акыркы саясий жүрүштөр тууралуу “Бүтүн Кыргызстан” партиясынын лидери Адахан Мадумаров “Азаттыктын” суроолоруна жооп берди.

Орусиянын Жогорку соту бейшемби күнү «Мемориал эл аралык коомдук кыймылы» уюмун экстремисттик деп таап, анын Орусия аймагындагы ишмердүүлүгүнө тыюу салды. Бул боюнча доо арызды Орусиянын Юстиция министрлиги берген. Соттук териштирүү жабык өттү. Иштин чоо-жайы ачык айтылган жок. Ошол эле учурда сотко Франция, Германия жана Чехия сыяктуу бир катар Европа өлкөлөрүнүн дипломаттары келгендиги маалым болду. «Мемориал» адам укуктарын коргоо борбору билдиргендей, сот чечиминде көрсөтүлгөн уюм такыр эле болгон эмес. Читать дальше...

Өзбекстандын башкалаасы Ташкенттин Янгихаёт районунда жашыруун диний мектеп табылды. Балдар кармалып, зомбулукка кабылганы тууралуу Өзбекстандын Мамлекеттик коопсуздук кызматы билдирди. Маалыматка ылайык, 34 жаштагы жаран турак жайды ижарага алып, ошол жерде 5 жаштан 12 жашка чейинки тогуз балага акчага диний сабактарды уюштурган. Ал өзү борбордогу менчик жогорку окуу жайларынын биринин экинчи курсунун студенти экени айтылат. Тергөө версиясына ылайык, сабактар мажбурлоо жолу менен өткөрүлгөн, айрым... Читать дальше...

Ливандын бийлиги Израилдин 8-апрелдеги жапырт бомбалоосунан бери дегенде 254 киши өлгөнүн, бир миңден ашууну жарадар болгонун маалымдады. Израилдик армия 10 мүнөттүн ичинде «Хезболла» согушкер уюмунун 100дөн ашуун командалык пунктуна сокку урганын билдирген.

Президент Садыр Жапаров кол койгон жарлыкка ылайык, Эдил Байсалов мурда ээлеген кызмат ордунан бошотулуп, Кыргызстандын АКШдагы элчиси болуп дайындалды. Бул тууралуу маалымат президенттин сайтына 9-апрелде жарыяланды. Эдил Байсалов Министрлер кабинетинин төрагасынын орун басары кызматынан кетип жатканын өзү бүгүн 9-апрелде Салижан Жигитовдун 90 жылдыгына арналган симпозиумда сүйлөп жатып билдирген. Буга чейин Байсалов Кыргызстандын АКШдагы элчилик кызматына дайындалары тууралуу маалымат тараган.... Читать дальше...

Кумтөр алтын кенин иштетип жаткан “Кумтөр Голд Компани” ишканасы 2025-жылы 1 млрд 434 млн доллар киреше тапты. Анын ичинен 706 млн доллар таза пайда. Бул тууралуу аталган ишкана 9-апрелде билдирди. Былтыркы жылы салыктарга жана милдеттүү төлөмдөргө 246 млн 507 миң доллар сарпталганы, дивиденд 300 млн доллар түзгөнү маалымдалды. “Кумтөр Голд Компани” 2025-жылы 12 тонна 81 кг алтын өндүргөн. Мындай көрсөткүчтөр, ишкана белгилегендей, "компаниянын туруктуу ишин жана өлкө экономикасына кошкон салымын көрсөтөт”. Читать дальше...

Чек ара кызматынын Ош облусундагы "Эркечтам" өткөрүү пунктунда өмүрүнө кол салганы айтылып жаткан 22 жаштагы жоокердин абалы өтө оор деп бааланууда. Бул тууралуу Саламаттык сактоо министрлиги бүгүн 9-апрелде тараткан маалыматта айтылды. Министр Дамир Осмонов Алай районундагы иш сапары учурунда жоокерден кабар алды. Бейтаптын жакындары менен да жолугуп, дарылоо процесси тууралуу маалымат берди. "7-апрелде Алай районуна Ош облустук бириктирилген клиникалык ооруканасынан эки нейрохирург жана анестезиолог-реаниматологдон... Читать дальше...

Европа реконструкциялоо жана өнүктүрүү банкы (ЕБРР) Кыргызстандын энергетика тармагын жакшыртууга багытталган долбоор үчүн 67,7 млн евро бөлөт. Жогорку Кеңеш 9-апрелде “Кемин” подстанциясы менен жаңы “Балыкчы” подстанциясынын ортосунда 500 кВ электр линиясын курууга байланыштуу макулдашууну ратификациялоо мыйзам долбоорун биринчи окууда жактырды. Кредиттик жана гранттык макулдашууга “Кыргызстан улуттук электр тармагы” менен Европа реконструкциялоо жана өнүктүрүү банкы былтыр декабрда кол койгон.... Читать дальше...

АКШнын Иммиграция жана бажы кызматы (ICE) Пенсильвания штатындагы айдоочулук күбөлүк берүү борборунун жанында Борбор Азиядан келген 13 мигрантты кармап кеткени маалым болду. Окуя Армстронг округундагы PennDOT айдоочулук күбөлүк берүү борборунун жанында болгонун АКШнын Ички коопсуздук департаментине (DHS) шилтеме кылып 11 News телеканалы билдирди. DHS өкүлү билдиргендей, иммиграциялык кызматкерлер ал жакка Чыгыш Франклин полициясынын чакыруусу менен барышкан. Себеби «тынчсызданган жарандар борбордун... Читать дальше...

Кара-Суу райондук прокуратурасынын кийлигишүүсү менен тоголок жетим балдарга мыйзамдуу жер тилкеси берилди. Башкы көзөмөл органынын басма сөз кызматы 9-апрелде кабарлагандай, үч жетим баланын мыйзамдуу укуктары сакталбай, жер тилкелери берилбей жатканы аныкталган. Жыйынтыгында райондун Кеңсай, Тельман жана Ак-Жар айылдарынан ар бир балага турак жай куруу үчүн 6 сотыхтан жер тилкелери бөлүнүп берилди. Балдар кодексинин 13-беренеси жана Турак жай кодексинин 43-беренеси боюнча жетим балдар 16 жашка... Читать дальше...

Чек ара кызматынын жоокери, Ош облусундагы "Эркечтам" өткөрүү пунктунда келишимдик негизде кызмат өтөп жатып өмүрүнө кол салды делген 22 жаштагы жигиттин абалы оор. Ал дагы эле эсине келе элек. Учурда Гүлчөдөгү шаардык оорукананын жандандыруу бөлүмүндө жатат.

Дүйнөлүк банктын Эл аралык өнүктүрүү ассоциациясы Кыргызстандагы "Келечек үчүн билим берүү" долбооруна жалпы суммасы 6,36 млн долларлык каражат бөлөт. Буга байланышту Жогорку Кеңеш 9-апрелде Кыргызстан менен аталган ассоциациянын ортосундагы макулдашууну ратификациалоо мыйзам долбоорун талкуулап, биринчи окууда кабыл алды. Агартуу министринин орун басары Алберт Махметкуловдун айтымында, Кыргызстанга бөлүнчү каражаттын 4,36 млн доллары насыя, 2 млн доллары грант. Төлөө мөөнөтү 50 жыл, 10 жылдык жеңилдетилген мезгил... Читать дальше...

Интерпол аркылуу эл аралык издөөгө алынган үч кыргызстандык жаран кармалды. Бул тууралуу Ички иштер министрлиги (ИИМ) 9-апрелде кабарлады. Маалыматка ылайык, шектүүлөрдүн бири - ири өлчөмдөгү уурулукка шектелип жаткан 34 жаштагы С. Д. А. аттуу жаран Сербиядан кармалган. Ал Манас шаарында үйдөн мамлекеттик сыйлыктарды, ири суммадагы акча жана кымбат баалуу компьютерлерди уурдаганы үчүн издөөгө алынганы айтылды. Ал эми Испаниянын борбору Мадридден кармалган 41 жаштагы Ю А. С. жана 46 жаштагы Ю. П. Читать дальше...

АКШ президенти Дональд Трамп америкалык күчтөр “чыныгы макулдашуу” жетишилгенге чейин Ирандын айланасында кала берерин билдирди. «АКШнын бардык кемелери, учактары жана аскер кызматкерлери, кошумча ок-дары, курал-жарак жана душманды толук талкалоо үчүн зарыл болгон бардык каражаттары менен чыныгы МАКУЛДАШУУ толук жетишилгенге чейин Иранда жана анын айланасында кала берет», - деп жазды Трамп 8-апрелдин кечинде Truth Social социалдык тармагына. Дональд Трамп белгилегендей, эгер «кандайдыр бир себеп... Читать дальше...

Тажикстандык жарандардын тобу жасалма документтердин айынан Сауд Арабиясынан чыга албай жатышканы кабарланды. Тажикстандын дин иштери жана салттарды жөнгө салуу комитетинин маалыматына ылайык, алар ажылыкты уюштурууга жардам беребиз деген убадаларга ишенип сапарга чыгышкан, бирок жыйынтыгында алдамчылыктын курмандыгы болушкан. Алар мекемеге жана Тажикстандын Эр-Рияддагы элчилигине кайрылып, мекенине кайтууга көмөк сурашууда. Мекеме белгилегендей, быйылкы ажылык сезону үчүн документтерди каттоо мөөнөтү буга чейин эле аяктаган. Читать дальше...

14-апрелге чейин күтүлүп жаткан жаан-чачынга жана күндүн ысышына байланыштуу Кыргызстандын тоолуу райондорунда, тоолуу жолдорунда жана ашууларда кар көчкү түшүү коркунучу сакталат. Кар күрткүсү күтүлөт, жолдор тайгак болуп муз тоңот. Унаалардын ортосунда 500 метр аралык кыймыл чектелиши зарыл. 9-10-апрелдеги нөшөрлүү жаан-чачындан улам өлкөнүн тоолуу жана тоо этектериндеги райондорунда сел жүрүшү мүмкүн, дарыяларда суунун деңгээли көтөрүлөт. 10-апрелде түнкүсүн Чүй, Ысык-Көл, Нарын облустарынын көпчүлүк аймактарында... Читать дальше...

Нефтетрейдерлер ассоциациясы Жакынкы Чыгышта абал курчуса, өлкөдө күйүүчү май баасы кескин кымбатташы мүмкүн экенин эскертти. Кыргызстан күйүүчү май сатып алган Орусиянын өзүндө мунай баасы акыркы 13 жылдагы эң жогорку деңгээлге жетти.

Өзгөчө кырдаалдар министрилиги Нарын дарыясына түшүп кеткен сегиз жана беш жаштагы эки баланы издөө иштери улантылып жатканын 9-апрелде билдирди. Алардын бири, 2018-жылы туулган К.И. аттуу бала 5-апрелде Аксы районундагы Үч-Коргон айыл аймагынын Кум айылында Нарын дарыясына түшүп кеткен. Издөө иштерине жалпы 40 адам, эки кайык тартылды. Арасында ӨКМ куткаруучулары, милиция кызматкерлери жана жергиликтүү тургундар бар. Беш жаштагы экинчи бала 5-апрелде Нарын шаарындагы Ленин жана Раззаков көчөлөрүнүн кесилишинде Нарын дарыясына түшүп кеткен. Читать дальше...

Улуттук коопсуздук боюнча мамлекеттик комитети (УКМК) Сириядагы согушка тиешеси бар деген шек менен кыргызстандык жаран кармалганын билдирди. Мекеменин 9-апрелдеги маалыматында, терроризмге каршы операциялардын жүрүшүндө 42 жаштагы А.Ф.Г. аттуу жаран 7-апрелде кармалган. "Ал 2014-жылы УКМК тарабынан издөөдө жүргөн кыргызстандык И.Б.Н. аттуу адамдын сөзүнө азгырылып, Түркия аркылуу Сирияга барган. Ал жакта "Ислам мамлекети" эл аралык террористтик уюмуна кошулганы аныкталган", - деп билдирди атайын кызмат. Читать дальше...

Ош облусундагы "Эркечтам" өткөрүү пунктунда келишимдик негизде кызмат өтөп жатып, өмүрүнө кол салганы айтылып жаткан 22 жаштагы жоокердин абалы оор, эсине келе элек. Учурда Гүлчөдөгү шаардык оорукананын жандандыруу бөлүмүндө жатат. Бул тууралуу Алай жалпы дарыгердик борборунун директору Дайыр Кадыров "Азаттыктын" аймактагы кабарчыларына билдирди. "7-апрелде, саат 20:55те октон жараат алган жоокер Нурадагы ооруканага түшкөн. Ал жерде медициналык алгачкы жардам көрсөтүлүп, райондун борборуна - Гүлчө шаардык ооруканасына жиберилген. Читать дальше...

“Бүтүн Кыргызстан” партиясынын лидери, экс-депутат Адахан Мадумаров былтыр ноябрда үйү тинтилген учурда алынган 150 миң доллар кайтарыла электигин "Азаттыкка" курган маегинде билдирди. Ал бул боюнча сурак дагы болбогонун, буга чейин Башкы прокуратурага дагы кайрылышканын белгиледи. "Сурак дагы, башка дагы болгон жок. Балам менин акчамды мыйзамсыз алып кетти, кайтарып бергиле деп Башкы прокуратурага дагы кайрылдым. Алар мыйзамдын чегинде карап, тез арада жооп бергиле деп ИИМге кайрылгандан бери канча убакыт өтүп кетти. Читать дальше...