Роухани: Иран санкциядан улам 200 млрд. доллардан кол жууду
Иран соңку эки жыл ичинде АКШнын санкцияларынан улам 200 миллиард доллардай киреше жана инвестициядан кол жууду. Бул тууралуу Ирандын президенти Хасан Роухани 31-декабрда Тегерандын чекесиндеги жаңы темир жол долбоорун баштоо аземинде билдирди. Ал бул иш-чарада Ирандагы президентти сындап жаткан күчтөргө да жооп кайтарды.
“Биз эмне кылышыбыз керек? Тамак-аш, суук жок болсо, канчалык күчтүү болсоң да сен коркунучтуу абалдасың”, - деди Роухани.
Былтыр май айында президент Дональд Трамп АКШ Ирандын өзөктүк программасы боюнча эл аралык келишимден чыкканын жарыялап, андан көп өтпөй Тегеранга каршы санкцияларды калыбына келтирген.
2015-жылы Иран менен дүйнөнүн алты державасы - АКШ, Британия, Франция, Орусия, Кытай жана Германия кол койгон келишимге ылайык, Иран өзөктүк программасын чектеп, Ислам Республикасына салынган эл аралык санкциялар алынышы керек болчу.