Орусияда коронавирус жуккандар дээрлик миң кишиге көбөйдү
Коронавирусту Москвада кеминде үч чиркөө кызматкери жугузуп алганы белгилүү болду. Алар шаардык епархиянын диний кызматкерлери экенин РБК баштаган орус маалымат каражаттары билдирүүдө.
Орусиянын православ чиркөөсү коронавируска байланыштуу диний жайларга чектөө коюудан баш тартып келген. Бирок 17-мартта Москванын жана бүткүл Орусиянын патриархы Кирилл диний жөрөлгөлөр маалында санитардык эрежелерди күчөтүүгө чакырган.