Американски воени авиони се упатија кон границите на Русија
Во петокот, 9 јуни, три стратешки бомбардери на САД, способни да носат нуклеарно оружје, полетаа кон руските граници на Балтикот.
Руски Су-27 пресретна американски стратешки бомбардери над Балтикот
Според информациите на „Интерфакс“, авионите се упатиле на извршување на задачата од воздухопловната база Ферфорд во Велика Британија. Се работи за два Б-1Б и еден Б-52Х, пренесува порталот „Рамблер“.
Претходно, на 8 јуни, во рамките на воените вежби кои се одржуваат во регионот, авионите Б-1Б и Б-52Х реализираа тренинг летови.
На 6 јуни медиумите соопштија дека руската војска испрати еден авион-ловец Су-27 за да пресретне американски Б-52. Бомбардерот леташе над неутралните оди на Балтичкото море долж руската граница. Екипажот на Су-27 се приближи до леталото на безбедно растојание, го идентификуваше како американски авион и го придружуваше.