Путин ги коментираше изјавите за „поразената“ Русија

Изјавите во САД дека Русија е наводно поразена, како во насловот на статијата на изданието Foreign Affairs „Putin's Russia: Down But Not Out” (Путиновата Русија: соборена, но не нокаутирана) се само соништа и не одговараат на реалноста, изјави претседателот на Русија Владимир Путин.

Путин: политиката на САД не се менува, кој и да е на власт во Вашингтон

Шефот на руската држава во интервјуто за режисерот Оливер Стоун потсети дека САД и Европа имаат различно мислење за Русија. Има луѓе кои гледаат децении нанапред и мислат за проблемите и заканите, а има и такви кои „живеат од избори до избори“ и мислат само на своите интереси, пренесува „Взгљад”.  

„Некој сонува, а некој сака да мисли дека Putin’s Russia down (Путиновата Русија е соборена). Тоа се нивните соништа. Но тоа не одговара на реалноста. Оние кои пишуваат за тоа го знаат тоа“, изјави Путин.