Трамп: Седум месеци никој не може да го докаже мојот „заговор“ со Русија
Претседателот на САД Доналд Трамп констатира дека многубројните истраги за наводниот заговор во текот на американската предизборна кампања меѓу неговото опкружување и Русија не довеле до откривање на докази.
„По седум месеци истраги и сослушувања во комитетите (на Конгресот) околу мојот „заговор со Русите“ никој не успеа да покаже каков било доказ. Тажно!“, напиша Трамп на „Твитер“, пренесува „Интерфакс“.
After 7 months of investigations & committee hearings about my "collusion with the Russians," nobody has been able to show any proof. Sad!
— Donald J. Trump (@realDonaldTrump) June 16, 2017Истраги по повод наводната руска вмешаност во американските избори во 2016 година водат неколку комитети во Конгресот на САД и ФБИ. Покрај тоа, во мај 2017 година, по налог на Министерството за правда на САД, посебна истрага поведе поранешниот директор на ФБИ Роберт Милер.