Русија нема како да се бори со американската „алатка за геноцид“ во Сирија
Единствениот начин на кој Русија може да ги неутрализира американските HIMARS лоцирани неодамна во Ат Танф, е да „ги разурне во момент во кој тие се подготвуваат да лансираат ракета“, изјави за „Руска реч на македонски“ рускиот воен експерт Дмитриј Литовкин.
Практично нема друг начин од гледна точка на технологијата Русија или поддржаната од неа сириска армија да се борат со заканата на ракетните системи, за кои беше соопштено дека се наоѓаат во Јужна Сирија. „Проектилите на овие системи се независни: ја постигнуваат својата цел ако бидат пуштени од ракета“, објаснува Литовкин. „Нема смисла да се прават обиди овие ракети да се урнат со противракетни одбранбени системи, бидејќи една ракета за HIMARS чини помалку од ракетата за одбранбениот систем за борба против неа“, додава експертот.
Како соборувањето на сирискиот Су-22 ќе влијае на односите САД-Русија
Натрупувањето на воена моќ во Јужна Сирија сепак изгледа не ги поткопува сериозно руските интереси во Рака - клучен град за воените кампањи како на САД, така и на Русија во земјата.
Офанзивата на Рака
Сепак, и покрај очигледните несогласувања помеѓу Москва и Вашингтон како да се води војната, експертите не ја исклучуваат можноста за соработка меѓу силите поддржани од САД и Русија за ослободување на Рака од терористите од „Исламска држава“.
Постои варијанта „сириските војници и силите на опозицијата да си распределуваат зони на одговорност и да ја координираат офанзивата за ослободување на Рака од Исламска држава“, тврди Хлебников, нагласувајќи дека тоа „сигурно ќе го ограничи бројот на жртвите за време на офанзивата и ќе даде добар пример за идните операции против Исламска држава“.
Експерт: „Калибрите“ нападнаа важни објекти на ИДИЛ во Сирија
Не може да се исклучи сепак и сценарио, каде што провладините сили и опозициските сили ќе започнат да се натпреваруваат за влијание во Рака, откако градот конечно ќе биде ослободен од канџите на терористите.
„Тука е клучната улогата на Русија и САД. Ако Москва и Вашингтон се договорат да ги координираат активностите за време на офанзивата во Рака, тоа ќе се предаде и на нивото на провладината армија и на опозициските сили. Ако не го сторат тоа, ескалацијата меѓу силите, поддржани од Русија и САД, станува веројатна“, смета Хлебников.