„Генотек“: Една петтина Руси се роднини на кралицата Елизабета
Ова го соопшти прес-службата на компанијата Genotek, пренесува РИА „Новости“.
До таков заклучок научниците дојдоа со помош на митохондријална ДНК – сегмент на геномот кој се содржи во митохондриите.
Генетски мас-маркет
Експертите успеаја да анализираааат повеќе од 2,5 илјади геноми. Како што се покажа, повеќето Русија по мајчина линија спаѓаат во митохондријалната група H. Во таа група, покрај 20% Русија, спаѓаат и многу познати личности, вклучувајќи ги британската кралица Елизабета II, Марија Медичи, сопругата на Анри IV Бурбонски, крал на Франција на крајот на XVI век. Во групата влегуваат и децата на Николај II, последниот цар на Русија, кои ја наследиле митохондријалната ДНК од царицата Александра Фјодоровна, внука на познатата британска кралица Викторија.
Од машка страна ситуацијата е поинаква – околу 25% Руси припаѓаат на хаплогрупата R1a1, која настанала, според разни теории, или во степите на Прикаспието, или на Алтај, или во Централна Азија пред околу 35-30 илјади години. Дел од неа се Том Хенкс, Френсис Дрејк, кралот на Холандија Вилијам-Александар, Никита Михалков.
Нивните предци се појавиле на Блискиот Исток и во југозападна Азија пред околу 30 илјади години и се доселиле во Европа пред 25-20 илјади години. Денеска нивните потомци го чинат мнозинството население на Европа.