Кривичен суд - На Мијалков да не му се суди за „Тортура“
Да не му се суди на поранешниот шеф на УБК, Сашо Мијалков, во предметот „Тортура“, одлучил Кривичниот суд. Предметот на Специјалното јавно обвинителство е за апсењето на лидерот на Обединети за Македонија, Љубе Бошкоски. Тој беше уапсен на 6 јуни 2011 година по предвремените парламентарни избори. Судот делумно го прифатил обвинението на СЈО и решил Мијалков, кој беше првообвинет во случајот, да биде изземен од обвинението, а да им се суди само на шест припадници на специјалната единица Алфи.
Сите обвинети во овој предмет се товарат дека сториле кривично дело мачење и друго сурово, нечовечко постапување и казнување од Кривичниот законик.