Руски воен хеликоптер се урна во Сирија, загинаа двајца пилоти
![Руски воен хеликоптер се урна во Сирија, загинаа двајца пилоти](https://gdb.rferl.org/E17884DD-2D86-424B-8BC8-2734864BAC31_w800_h450.jpg)
Руското Министерство за одбрана денеска соопшти дека руски воен хеликоптер се урнал во Сирија, при што загинале двајцата пилоти. Министерството наведува дека хеликоптерот „Мил Ми 24“ се урнал на 31 декември поради „технички дефект“ додека летал во сириската воздухопловна база во Хама во истоимениот град.
Министерството истакнува дека хеликоптерот не бил нападнат од сириските опозициски сили или од групата на Исламската држава, а дека двајцата пилоти загинале при тешкото слетување на 15 километри од воената база. Исто така еден техничар бил повреден и однесен на итен третман во друга воздухопловна база.