Трамп ги повикува демократите да гласаат за привременото финансирање

Американскиот претседател Доналд Трамп денеска ги повика демократските сенатори да гласаат за законот за привремено финансирање на владата за да не дошло до парализирање на сојузната администрација. Тој упати и критика кон демократите кои се членови на Сенатот, тврдејќи дека тие сакале нелегална имиграција и слаби граници.

Тој на социјалната мрежа Твитер напиша дека законот за привремено финансирање бил одобрен од Претставничкиот дом и побара од демократите чии гласови се потребни во Сенатот да гласаат за него.

Долниот дом на когресот изхласа закон за продолжување на финансирањето на буџетот до 16 февруари, а Сенатот би требало да се изјасни до полноќ. Трамп предупреди дека ако текстот не помине ќе дошло до блокада на сојузната влада поради што голем број од сојузните агенции би можеле да бидат затворени.

Демократите гласањето на договорот го условуваат со заштита од депортација на 700 000 млади мигранти кои се доведени во земјата како деца и илегално останати.