Амбасадата на САД ќе продолжи со издавањето визи
![Амбасадата на САД ќе продолжи со издавањето визи](https://gdb.rferl.org/397B43A6-0CE7-461E-BCBA-128E1D1B76A9_w800_h450.jpg)
Сервисот за пасоши и визи во амбасадата на Соединетите Американски Држави во Скопје ќе продолжи да работи и покрај затворањето на американската влада, соопштија од американската амбасада.
На Твитер профилот на Амбасадата во Скопје, тие објавија дека „закажаните сервиси за пасоши и визи и сервисите за итни случаи за граѓаните на САД ќе продолжат во амбасадата за време на затворањето на владата на САД. “
Делумното затворање на американските федерални служби ноќеска стапи на сила, откако сенаторите не успеаја да се договорат за буџетот.