Координацијата за предлозите на Нимиц в сабота во Клубот на пратеници
![Координацијата за предлозите на Нимиц в сабота во Клубот на пратеници](https://gdb.rferl.org/E532F4D8-4523-4995-B028-75F413DB0E3B_cx1_cy0_cw94_w800_h450.jpg)
Координацијата за предложената рамка на медијаторот на ОН во спорот за името Метју Нимиц ќе се одржи в сабота попладне во Клубот на пратеници.
На средбата која е иницирана од МНР, како што потврдија за МИА, ќе присуствуваат претседателот Ѓорге Иванов и лидерот на опозициската ВМРО-ДПМНЕ Христијан Мицковски.
Портпаролот на Владата, Миле Бошњаковски, на денешната прес-конференција најави дека наскоро ќе се одржи средба за рамката на Нимиц на која ќе бидат присутни повеќе политички лидери
Владата, посочи Бошњаковски, веќе го започна процесот на анализа и на координација околу најновата рамка на медијаторот и очекува да биде изграден широк национален консензус.